ساعدوني! شخص متقدم لي شخص وما اقدر أوافق عشان مرضي 2024.

الله ايخليكم ساعدوني من فترة طاح كل شعري وايلس في البيت ابشيلتي من 10 سنوات ما خليت امطوع ما قرا عليه كلهم ايقولون ما فيج شي سافرت سويت فحوصات واتعالجت الكل ايقول ما فيج شي ،، الحين عمري 31 سنة وأي حد يتقدم لي ارفضه عشان هذا السبب ما اعرف شو اسوي وحدة قالت لي البسي باروكة ما اتخيل شكلي والله بموت ساعدوني،، وحدة من الخوات قالت لي في مراكز خاصة في الدولة عادي ايلصقون لج شعر مترددة يا ريت لو اتساعدوني والا ادلوني على أي مركز والله حاسة بالضيق أنا اعرف انه هذا بلاء من الله وانا صابرة (وبشر الصابرين) الله ايخليكم لا تبخلون على بالرد خاصة الحين واحد يايني ومب عارفة شو اسوي

اختي انزين ليش ما تسين زراعة شعر

الله يوفقج ان شالله ويشفيج ويكتببلج الخير في كل خطوة اللهم آمين

هلا الغاليه
ودي اساعدج
بس انا سمعت البنيات اللى في المنتدى يمدحون دكتور وليد .. وعيادته مقابل لامسي بلازا في دبي

شوفي روحي لها .. واايد بنات استفادوا منه وقالوا انه ظهر لهم شعر ..
بطرش لج رقمه عالخاص واتصلي فيه احسن وكلميه

انا سمعت عنه بعد شوفيه وان شاء الله خير

عزيزتي

الله يعافيج.. ان شاء الله……. وان شاء الله تنحل المشكلة ونفرح فيج

والله الموفق

أظن أنه اللي عندك هو عامل نفسي… مدام الكل قال لك مافيكي شيء خلاص اتوكلي على الله… تراه غلط الوحده إذا جاها نصيبها وكان ما فيه عيب أنها ترده… فكري في بكره لما تكونين كبيره في السن، ترى الناس اللي حواليكي مش مليون في الميه راح يكونون معاكي على طول… الناس يتغيرون، ومحد بينفعك غير عيالك.

مشكوريت خواتي على الرد والله ايوفقكم جميعا ان شاءالله وبالنسبة لرد اختي الغالية رقة وأنوثه أنا رحت لطبيب نفسي وسوى لي كل الفحوصات وبنفسى اكد لي انه ما فيه شي