أشحالـــكم عـــلومكم ؟؟ شو مسويات وي الحــمل ؟؟ ان شـــاء الله مرتاحــات ^_^
عندي شوية اسأله واتمنى اتجاوبوني علييييها ..
تفضلين حزة الولاده تكونين روحج والا احد وياج ..؟؟؟ امج . اختج ريلج …………الخ
وخبرينا حزة الولاده الاولى (( البكر )) من كان وياااااااااااج …؟؟
وهل تحسين انه مهم احد يكون وياج والا عادي تكونين روووووحج ..؟؟؟
ودعواااااااااتكم لي لأن موعد ولادتي قربت فعسبت جذه حبيت آخذ رايكم
والله يسهل ع اليمـــــــيع
..وهذا اول حمل لي،،، بس انا اشوف ابا اميه وخواتي بس
وريلي لاااااااااااااااااااااااااااااااااااااااااااااا
ما اعرف ،،، اسمع يقولون ،، لا تبين ريلج حزة الولادة
لا مستحيييييييييل ،، كيف
بس ما ابا امي…احس بتصيحني اكثر..
و ريلي قايل انه ما بيوديني لانه يخاف..
فاحس روحي ,,,او خالتي تدش وياااي..
الله يسهل علينا يا رب..
أنا هذا أول حمال لي ..
و إن شاء الله يوم بربي ريلي بيكون معايه ..
وفي ولادتي الثانيه من ياني الويع ريلي كان في حبشان وخبرته ورد..وخواتي الكبار ثنتين معايه ما قصرن حليلهن تمن معايه لين الفجر..وريلي نفس الشي اول ما قربت الولاده انا حسيت بس الدكتوره قالت ما بتربين قبل ساعتين وهو مسكين كان مكمل 24 ساعه مارقد قالتله اختيه سير اغسل ويهك واشربلك شي وارجع واول ما طلع ربيت…
بس على فكره الريل يوم يدخل مع الحرمه مايشوف شي الدكتوره اتكون مغطيه الحرمه بشرشف والريال يكون معطي ظهره للدكتوره ومجابل حرمته يمسك يدها ويقرا عليها ويهديها وصدقوني واااااااايد يحس بمعاناة حرمته وتغلى عنده…هذا من وجهة نظري ومن تجربتي…
وان شااء الله ريلي بكوون وياايه..
لأنه هوو خاطره خخخخ..
يقوولي صدقيني لو دخلت ويااج بنسيج ألم الولاده..
وبخليج تنفطسين من الضحك..
وفعلا ريلي فديته ما يحب يشووفني مضاايجه ولا شي..
كانت عندنا اياام عزا يدي الله يرحمه فبيت أبووي..
وصح ايام عزا وجي..بس والله ريلي طلعني من الحزن وصدق كنت اضحك ويااه يوم نسير الشقه..
عسب جي بدخله ويايه الولاده خخخخخخخخخ..