سفر الخادمه الى لندن 2024.

خواتي انا بسير لندن للعلاج ابغي اشل الخدامه وياي بس قالوا صعبه حد منكم سر خدامته وياه و شو الشروط

اللي اعرفه انها لازم تكون مكمله اكثر عن سنه بس حد قالي حتى لو كل الاوراق موجوده مرات ياخذون فلوس الفيزا ويرفضون

اتريا ردكم

شليناها وياليتنا ماشليناهاا هناااك يستقوون
ويشردن و هناك السفاره تقوول هي حره وحريه شخصيه اذا ماتبا تستقوي هناااك راسها يكبر خخخ

محد بيفيدج فـ هالموضوع غير السفاره نفسها

اتصلي ع سفارة بريطانيا فـ بوظبي

وما تشوفين شر ..

ما أنصحج تشلين خدامة لأي دولة اوروبية لأنهم يشردون هناك ومثل ما قالت الأخت بتستقوى الخدامة وبتشرد وما بتحصلين لها أثر ومحد بيفيدج ويوم بتبلغين بيطلعونج انتي الغلطانة وانها هي حرة وخرابيط مالها اول ولا اخر

عندى رقم خدامه موقته بس وايد غاليه في لندن وبتحصلين بعض الشقق توفر خدم حسب الطلب او انتي تتعاقدين وياهم واذا بتشلين وياج عادي اذا اخلاقها زينه وضامنتنها وخوفيها من البدايه وخلي الاسعار خياليه في راسها من باب المطار لباب الشقه لا تسوي صدقات مع الخدم وان شاء الله خير واستخيري

بشكارة اختي شردت عنها في لندن،،، أصلا حلم حياتهن يسيرن هناك

وعن الاجراءات بسيطه

تسيرين السفارة البريطانية وتقدمين لها على فيزا وتدفعين بيزات وعقب فترة تطلع الفيزا

نصيحة لا تاخذينها