السلام عليكم ،،
بخبركم سالفتي من يومين سويت تنظيف بشرة و قليل مااسوي تنظيفات بشرة خارج البيت في الغالب اعتمد عالغسول و الصوابين الطبية و الاقنعه و الماسك .. المهم .. سويت عند وحده .,, تي للبيت و هذه اول مرة اجرب هالشئ .. خذت اكثر عن ساعه تعابل في ويهي .. وكل كريماتها تحسسج بالانتعاااااااش والاسترخااااء
المهم انا ويهي في حبوب بس صغيرة جدا وقليلة جدا تحت لجلد وفي بقع حب بس قليل جدا بعد
وقعدت تسحت لي ويهي بدون اي الم .. وهذا الحلو في السالفة
ويوم خلصت .. حسيت ويهي شوووي متهيج واقول في خاطري لازم .. ساعه و نص يتفرك ..!!
المهم ثاني يوم الاحظ ان ويهي كله متهيج + طلع له جروووح من كل صوووب لو اصورلكم ااياه بتقولون اعوذ بالله .. 
والاثار مثل جرح او حرق يعني شرات يوم تنجرحين ويجف مكان الجرح ويسوي ندبة ممكن تقشرينها .. وهالشئ بكل ويهي خاصة الوجنتين …بالعربي المفيد تشوه ..!! ومادري لو عندنا مناسبة كيف بتصرف لو احط جبس مابيخفيه .gif "12 (33)")
…………..والحين
اريد اعرف من سيداتي و آنساتي … .gif "12 (53)")
عند تنظيف العميق للبشرة … يصير لكن هالشئ………؟
شو الحل … ؟ هي قالت لا ستخدمين اي كريمات ..؟ بس بعد يومين اضطريت احط كريم مرطب وجهي مجرح وجاف ..!!
وتعتقدن شو الاسباب ………؟
ياريت تفيدوني بشرتي فيها عيوب الدنيا مش ناقصنها اثار جروح وتهيييج
في انتظاركم لا تهملوني 
……….!!
هي سوته لج
عموماً استخدمي كريمات ملطفه
وهالشي بيروح بإذن الله
انا مره صار معاي جي والسبب البشره الحساسه
لأنها ماتتحمل شي ولا حتى لمس فما بالج دعك من الخاطر!!
بس تدرين كنتي المفروض تسوين "ميني فيشل"
اللي هو تنظيف مخفف للبشرة بالكريمات وبدون بخار
لأن بشرتج باين عليها جداً حساسه.
بعدها حرمت اسوي تنظيف الا لحالي اخد كريمات مو شرط كثير واسوي ابرك منهم
انا اول مرة سويت فيشل عند فليبينية جي استوى فيني جروح وويهي صدق اتشوه بس اسبوع واستوى حلووووو ما شاء الله ،،
كان تنظيف من الاعماق ههههه ،،، كان عندي حبوب تحت الجلد طلعتهم وعقب حطت عليهم ليزر ما ادري شو هالليزر المهم اتالمت بشكل ،، لكن النتيجة عقب اسبوع كانت وايد حلوة…