امـــس كنت اتصفـــح مواقع الطبخ من موقع لموقع ولا كنت حاطه في بالي اني اطبق حاجه مجرد اطلاع
لكـــن طحت على طريقة الاخت المحبة للجنه من بيت حواء جزاها الله خير وبدون ورقة وقلم وبدون وجع راسي مجرد قريت الطريقة نزلت دايركت وسويتها ما تحتاج شي سهله وفكره جديده ولذيذه وشكلها يم يم
ندخل على المقادير والطريقه على طول ( مثل ما كتبتها الاخت محبة حفظها الله
كيكه طبقات البسكويت اللذيذة
المقادير
1 علبه خليط كيك جاهز ( انا استخدمة كيكة من بيتي كويكر اخذتها من التميمي الصراحه الكيكة لذيذه جدا بس لو اني مستخدمه العلالي افضل الين من اللي استخدمتها لان اللي استخدمتها طلعت مثل البراوني والحلا يحتاج يدخل الثلاجه وتعرفون البراوني المفروض ما يدخل الثلاجه لان ييبس معك وحلاته يوم تاكلينه على طول وهو طري
2 علبه بسكويت الشاهي
الوجه
حليب نستله +5 حبات جبن كيري (انا زدت من عندي قشطة)
فستق مطحون + بسكويت مطحون ( انا غيرت بالتزين حطيت بسكوت مطحون وفرمسيل شكولاته و وكورن فلكس)
الطريقة
يخلط الكيك مثل ما هو موضح على العلبة
يحضر صنية متوسطة مدهونة
ويقسم الخليط الى ثلاث اقسام (( مقدار الكاس الكبير ))
يصب القسم الاول في الصينية ويدخل الفرن
ويخرج ويرص علية طبقة من البسكويت بعد غمسها في الحليب
ويصب علية الطبقة الثانية من خليط الكيك ويدخل الفرن مرة ثانية
ويخرج من الفرن ويرص علية طبقة ثانية من البسكويت ويصب الخليط ويدخل الفرن
وبعد الاستواء يترك يبرد اذا اردتي اختبار النضج اغرسي عود الاسنان او السكين واذا ما علق بها شيء فهي نضجت
ويخلط الحليب مع الجبن ويصب على الوجه ويزين بالفستق والبسكويت المطحون
وهذي الطريقه شفتو كيف سهله وشكلها حلو بعد انتظروني بحمل الصور وانزلها لكم
الطريقه حلوه ..
يعطيج العافيه ..
وهنا اقرب وشفو كيف الطبقات ( وهالكيكة طلعت معي قاسيه وعذبتني وانا اقطعها بس لو العلالي مثل ما ذكرت بتطلع افضل والين والاخت محبة بصورها منزله كرتونة العلالي بس الكيكة اللي انا سويتها حلوه للي يحب البراونيز بحاول ادور صورة للكيكة وانزلها )
وهذي لما قطعتها صغار
وهنا قطع اكبــــــــــــر
وهنا اقرب
شفتو كيف التجديد مطلوب وحلو يعني بدال ما تكون محشيه او بدون شي تكون طبقات من باب التغير وطعمه مره
وان شاء الله تجربونها وتعجبكم ولا تنسونا من صالح دعاكم
حلوه للي بيسوي براونيز ولا اسرع منه
بس للحلى هذا حلوه تسوين العلالي
وان شاء الله تجربونه وتعجبكم