طلعت لذيييذة الوجبة ولله الحمد ,,, وايد حبيناها
ونا استخدم المقاييس نفسها اللي تستخدمها منال العالم من الملاعق والاكواب
الملاعق
من فوق ملعقة كبيرة
تحتها ملعقة صغيرة
تحتها نص ملعقة صغيرة
تحتهم واللي اخر وحده ربع ملعقة صغير
والكوب
بما ان عددنا شخصين قللت كمية بعض الاشيا مثل الارز ,, والدياي
ونا بكتب المقادير اللي كانت مكتوبة بوصفتها ,,
المقادير : م ك= (ملعقة كبيرة) م ص= (ملعقة صغيرة)
4 م ك زيت زيتون ( انا شفتها مرة من المرات تخلط 2 م ك زيت زيتون و 2 م ك زيت ذرة)
2 حبة متوسطة بصل مقطع مكعبات كبيرة
4 قطع فيليه دجاج مقطعة مربعات كبيرة (ماكان عندي دياي فيليه سويت افخاذ)
4 فص ثوم مفرووم
1 م ك زنجبيل مفروم
1 قرن فلفل اخضر مفروم (ماستخدمت فلفل لاني ماحبه 
)
البهارات :
1 م ص ملح
12 م ص كركم
1 م ص كمون
1 م ص كزبرة ناعمة
1 م ك كاري
2 م ك معجون طماط
4 م ك حليب جوز الهند ( استخدمت ماجي حليب جوز الهند بودرة , وحظيت 3 ملاعق بدل 4 )
14 كوب ماي
1 كوب كريمة ( حطيت نص كوب)
12 كوب كزبرة خضرة
الارز :
هالمرة سوت ارز بالليمون وطلع حلو
4 م ك زبدة (حطيت مكعبين زبدة )
1 م ك برش ليمون
3 كوب ارز بسمتي (انا استخدمت كوب ونص)
2 م ص ملح ( استخدمت 1 ونص)
1 قطعة شريحة ليمونة مدورة
4 كوب ماي ( استخدمت 3 )
طريقة الدياي :
نحط الزيت ع النار بجدر عميق ونسخنه شوي (على نار متوسطة)
نضيف البصل وعلى طول الدياي ونقلبهم لين الدياي يتغير لونه
نضيف الزنجبيل والثوم والفلفل للدياي والبصل ونقلبهم
نضيف كل البهارات (ظفتها بصحن قبل وخلطتهم مع بعض وضفته كل مرة وحدة للدياي) ونظيف معجون الطماط ونقلل من النار شوي
ناخذ الربع كوب ماي ونحطي حليب جوز الهند ونخلطهم ونظيفه للدياي
نظيف الكريمة ,,
بالنسبة للماي لاحظة ان شوي بالنسبة للخليط فزدت منه لين غطا كل الدياي
نخليه لين يستوي الدياي ونظيف الكزبرة ونخليه 3 دقايق وخلاص يكون خلص طبق الدياي والكاري
بالنسبة للعيش :ظفت الليمون الشريحة والبرش والزبدة والملح والماي والارز ,,, وغطيته بقطعة قصدير وغطيت الجدر
بالغطا ماله وخليته ع النار ربع ساعة
والنتيجة حلوة ولله الحمد ,,,, انصحكم تجربونه واللي تجربه تحط صورته
بالعافيه عليكم