.طريقة عمل الكب كيك بالصور اكيييد عشان خاطر عيوونكم بس !! 2024.

فالبداايه حبيت اشكر الاخت الغاليه (مس كندر) على الوصفه الحلوه..!!
جربت طريقتها في صنع الكب كيك وكانت واايد لذيذه والاحلى ان الكيك ما ييبس يعني يتم فتره طويله طري..!!

نبدى بالمقادير:

1- ملعقة صغير فانيلايا

2- نص كوب حليب

3- نص كوب سكر

4- ثلت كوب زيت

5- كوب طحين زيدوه ملعقتين كبار اذا شفتوها رفيعه

6- ملعقة باكن باودر

7- بيضتين

الطريقه:

نخلط الطحين و البكين باودر و السكر ويا بعض..
و نخلط الحليب مع الفانيليا و الزيت ونضيف البيضتين..ونخلطهم في الخلااط الكهربائي..

وبعدين انضيف الطحين بعد ما خلطناه ويا السكر والبيكن بودر ..نظيفه ع خليط السائل بالتدريج..

وبعدين نبدى انصبه فالاكواب..!!

بقولكم طريقتي..<<لاحظت وايد يوم يصبون العجين فالاكواب ان القوالب تخييس والسبه العجين السائل..

ف قمت وصبيته في هالجهااز..منوو الشاطره اللي بتعرف شو هذا..

لووووووووووول جهاز مال القيمات..لقيته اسهل فالصب وعملي وااايد..

بدال ما هو مفرور عالفاضي محد يستخدمه..

وهذا شكله بعد ما صبيته ..شفتو كيف مرتب ونظييف..

طبعا" ما سويته كله فانيليا خليت النص و حطيت عليه بودرة الكاكاو..

وهذا بعد التزيين..

تزيين عيال البيت..

وهذا تزيين مس لووولي..^.^..

وخيييرا" خلصت الموضوووع..

هااااااااااااااااااه شوو رايكم..^.*..
عااد ياويلها وسواد ليلها اللي اتشوف وتطلع بدون كلمه حلووه..تراني سويته وتعبت بس عشان خاطر عيوونكم..!!

ان شاء الله في موضوع القادم بنزل طريقة التزيين وبالصور..بس بعد ما اشووف الردود السنعه..