طريقة عمل كيكة بالــــــخطــــــوات المصورة المملة . 2024.

السلام عليكم ورحمة الله وبركاته…

هلا خواتي… إشحالكم؟؟؟ إن شاء الله بخير…

وانا ادور في الادراج جان اشوف وصفة لكيكة كنت ماخذتنها من منتدي… بس اي منتدى والله ما اذكر…. ممكن يكون منتدانا هذا ويمكن منتدى ثاني والله ما أدري…

المهم….

المقادير:::

2 بيض
كوب طحين
كوب زيت نباتي
كوب سكر بودره
كوب حليب بودره
نص كوب ماء
ملعقة بيكنج باودر
فانيليا

على فكرة الكاكاو داخل عرض في الصورة…الكيكة مافيها كاكاو..

الطريقة:::

نخلط البيض مع الفانيليا لمده 3 دقائق..

نضيف السكر ونخلط ..

نضيف الماء ونخلط..

نحط الحليب في مقلاه أو جدر اللي يريحج ونقلب لغاية ما يتغير اللون… (يستوي لونة اسمر… مب تحرقينه )

نضيف الزيت على الحليب ونخلط..

نضيف الحليب والزيت على الخليط الأول ونخلط..

ننخل الطحين والبيكنج باودر ونضيفه للخليط..

نحط الخليط في القالب… وإلى الفرن… لا تسألوني عن المده علشان استوت لي سالفه كانت بتخرب الكيكة لآن الغاز خلص اثناء ما كانت الكيكة في الفرن … فطرشت الكيكة بيت أهلي (حذالي بيت أهلي) وحطوا في الفرن ولما خلص يابوه..ههههههه

ولما تتطلع تتزين بالتوفي أو الحليب المركز (هذا كان المفروض بس اليهال كانوا حولي ويتريون أقولهم اصبروا وهذيل يبون ياكلون .. جان احط لهم نص الصينية علشان يودونه بيت أهلي… وريلي راح الدكان ياب له لبن وقال يالله ابا اكل اقوله بحط عليه توفي يقولي لا توفي ولا شئ هاتي باكل … فباءت محاولاتي لتزيين الكيكة بالفشل)….بالعافيه عليهم…

حياكم الله…

لوووووووووووووووووووول

تسلم ايديج حبوبهـ

تسلم ايدج
عن تجربة هالكيكة طعمها لذييييييييييييييييييييييييييييييييييييييييييييييذ جدا
يعطيج العافية

نااااااااااايس

حلووووه الطريقه
وتسلم ايدينج