طبعا مستحيل الوحده فينا تحصل كل الي كانت تحلم به .. وانا ما حصلت كل شي ..
بس حصلت شي كنت ادعي ربي اني احصله لييييل نهاار
والحمدلله حصلته بس اكتشفت بعدين اني مب رااايمه اكمل فيه !
ادري تقولون هاي شو بلاها ترمس بالالغاز بس بقولكم شو صار
كنت ابا اتوظف وقدمت على مكاان كنت احلم به من العااام وتمييت ادعي اني انقبل وانهم يوافقون علي وكنت اخلي امي تدعيلي بعد
وبالفعل انقبلت وانصدمت ان المدير واحد من قرايبنا .. وبصراحه فرحت لانه اول ما عرف اني توظفت عنهم كلمني وقالي انه بيرفع من رتبتي وبيحطني بمنصب عالي .. صدق صدق صدق فرحت
والله احيد كنت ميته من الفرح والارض مب شايلتني
طبعا ما في شي يتم على حاله في وحده اعووذ بالله من شرها هي مسؤولتي وكانت حاطه عينها ع المنصب .. طبعا انا ما بساوي عمري بوحده عندها خبره وقلت ما عليه بس صدمني ان المدير ما كلف بخاطره يقولي شي عرفت منها كانت متصله تقولي ترا انا بكون بهالمنصب واعتقد انها كانت تدري باني كنت بنحط به من طريقه كلامها بس ما علينا
مرت الايام وهالانسانه تعاملها وياي واايد خايس وجدام الاودام وفي الميتنج تبين انها تسولف وياي وتضحك صدق استغرب واذا قلت شي يديد ما تعرفه تطالعني بنظره يعني انا ما اروم اسوي شي الا عقب شورها والمشكله يوم اقترح شي واقوله لها تطلع انها هي لها دخل به وانا بس كنت اخبرها لاني ما ابا انحط بموقف وياها صدق استعيب من حركااتها وااايد تقهر وتبط الجبد وانا صاابره لاني صدق كنت ابا هالشي من زمااان ابا اتوضف بهالمكان صدق لاني احس اني اقدر اساعد واايد ناس
طبعا ني للطامه الكبرى اللي فتتني وخلتني ما اروم اكلمل وافكر اهد الشغل باللي فيه
الجماعه اللي اشتغل وياهم معضمهم من نوعيه الاخت اللي يبا ينسب كل شي لعمره وما يعيبهم العيب يعني انا اقترح وافكر واطلع اشيا يديده ما تعيبهم بالمره كانت في وحده تساعدني قبل وتعيبها اشيائي اللي اقولها وتأيدني وقتها كانو يسمعون لي لان في حد يأييدني بس طلعت الحرمه ما اعرف ليش وتميت ويا الاخوان
لا حد يقولي خبري مديرج !! انا كنت افكر قبل بس الحين لاااا ومستحييل لا .. ما اعرف شو الكلام اللي وصل له بس صااار واايد متغير علي .. ويطالعني بطرف عينه واحس ان جبده لايعه مني !! وهذا انا اللي من اهله من لحمه ودمه يسوي فييني جذي
والله صرت اكره كل شي بهالشغل وابااا اطلع خلااص احسني مختنقه كله نفااق ومافي حد يساعد حد والا ربع والا طيبه !! وكله يتمصخروون وشايفين عمارهم ما ادري على شو
ابا اطلللع خلااااص وقررت اني اطلع وشاورت ابوي وقالي طلعي بس امي يحليها مب رايمه تتفهم اني عقب كل الترجي اللي كانت اترجاها اياه انها تدعيلي انقبل هالوظيفه اني الحين ما اباها واتم اتذكرني بالاسباب اللي خلتني ادخلها وكيف انها اسااس قوي لمستقبلي والخ الخ الخ
كلااام امي عين العقل والمنطق وكلاام ابوي ما يشتاورون عليه اثنين عارفين الكرامه والنخوه
صدق ما اعرف شو اسوي ابا اصرررخ في ويوووه اللي بدواامي واقووولهم لييش جذي ضيعتووووني وخليتوني مهزوووزه مب رايمه اتهنى بحلمي اللي تحققلي !!
صدق مب عارفه شو اسوي 
سااعدوني
استخيري قبل كل شي أختي
وربي يصلح أمرج
وعلى فكرة اذا أخت قبلج في الدوام واجتهدت أكثر عنج فأكيد هي أولى بالمنصب حتى لو كان قريبج مديركم ^_^
بس هذا مب سبب عسب تعامل الناس بسوء الله يهديها ويهدي الجميع 
بس صدق بيئة الشغل كلها مشاحنات
المشاركة الأصلية كتبت بواسطة bellegirl 
استخيري قبل كل شي أختي
وربي يصلح أمرج
وعلى فكرة اذا أخت قبلج في الدوام واجتهدت أكثر عنج فأكيد هي أولى بالمنصب حتى لو كان قريبج مديركم ^_^
بس هذا مب سبب عسب تعامل الناس بسوء الله يهديها ويهدي الجميع
والله انا كاتبه فوق اني ما بساوي عمري بوحده عندها خبره ومبارك عليها تستاهله بس انها تكرهني بدوامي بس لان المدير بغا يحطني بهالمنصب هذا مب عدل .. والله ما يرضى به صدق حررام عليها
مشكوره ختيه وما قصرتي .. يزاج الله خير
ابي اقولج مبروك ع الوظيفه
وقولج اول شئ صلي استخاره وتوكلي على ربج
وان الله كاتب لج تبقين في الوظيفه بتبقي
وولو الله ما اراد بترد وبتلاقين وظيفه ثانيه
على فكره اتقريبا توظفت في 4 اماكن
وفي كل مكان اطلع يكون فيه نفس هذه الاشكال اقدر اسميهم معدومين الاخلاق
بس لازم انت يكون شخصيه
فكري واثبتي جدارتج … ومنصب لو حطيتيه في بالج راح تاخذيه
وعليج بالدعاء وصلاة
والله يوفقج
استخيري