بقولكم الحكاية باختصار …
انا كان عندي خطوط تلوع الكبد في الصدر والبطن وكل مكان وجربت كل شي … ما خليت كريم بالسوق ما جربته … وللاسف ما نفعني شي الا
زيت جنين القمح
الله يوفق الاخت الي دلتني عليه .. بس للاسف مو ذاكره اسمها …بس ادعيلها كل يوم الله يوفقها مثل ما ريحتني …اااامين
يا بنات خلوا عنكم كل الخرابيط … وركزوا على هالزيت …الصراحه رررررررهيب وقوي على الخطوط البيضاء وحتى على التشققات العميقه … بصدق والله ررررهيب … وهالكلام عن تجربه اكيده…انا جربته بالاول على صدري لانه من الحمل والرضاعه كان يشكل يلووع … استغر الله والخطوط والتشققات كانت واضحه … بس الحمد لله بعد استخدامي لهالزيت خفوا بنسبه 90 % وصارت الخطوط والتشققات مو واضحه حتى لما اركز فيها (قولوا ما شاء الله)…
ولاني احبكم في الله … بغبيتكم بعد ترتاحوا من هالمشكله الي كانت لين وقت قريب مستحيلة الحل ..
بس الله قادر على كل شي … وقبل كل شي توكلوا على الله.. وبعدها اشتروا الزيت … الي صدقوني اصحاب المحلات لو عرفوا قيمته لكان خلوا سعره نار ودبل 10 مرات … من كثر ما هو مفيييييييييد
بسني هذره وجرجر واجد … الحين نجي للطريقه :
كل يوم بعد الشاور جففي جسمك عدل وخذي من الزيت وادهني الخطوط بطريقه دائرية ..ليما تشوفي الجلد تشرب الزيت … الصراحه ريحته شوي مو حلوه بس مو كريه
وومكن تستخدميه المساء اذا حبيتي … بس انا كنت استخدمه مره واحده باليوم والنتيجه بينت بعد ثلاث اسابيع … يعني الاستمرار مهم جدا
سعره تقريبا ب 6 ريال عماني = 60 ريال سعودي =60 درهم … يعني ررررررررخيص رخص التراب بالمقارنه مع فوايده
والزيت الى انا استخدمه من ماركة وادي النحل … اهل السعودية اكيد يعرفونه
جربوه يا بنات … ان شاء الله راح تستفيدوا منه وهذا وعد مني … وما ابغي منكم غير الدعاء لي ان الله يخليلي اولادي وزوجي العزيز ويمنع عنا الشر ويوفقني في حياتي … واهم شي يرزقنا الجنة انا وعائلتي وحسن الخاتمه … دعواتكم لي الصادقه في هالشهر الكريم …
واي استفسار انا حاضرة ومن عيوني لكم
منقووووووووووووووووووووووووووول
بس حبيت اسالج الغلا وين اقدر احصله في الامارات؟؟
المشاركة الأصلية كتبت بواسطة الشقرا 
بس حبيت اسالج الغلا وين اقدر احصله في الامارات؟؟
انه من البحرين حبيبتي
الشقرا .. تلقينه في العطارين ^^ ..
بس ان شاء الله ينفع معاي دعواتج لي
وربي يوفقج بحياتج ويحقق احلامج وامنياتج كلها
……….ز اسم الزيت جي ::: زيت جنين القمح :::
زيت جنين القمح ….. جنين؟؟؟ القمح…
