السلام عليكم خواتي
اليـوم حابه أحطلكم تجربتي في [ عمليـة قص المعده ] .. لإفادة الجميع ..
ولإللي حابه تسويها ومتخوفه منها ..
ولإللي حابه تسويها ومتخوفه منها ..
فإللي عندهـا أي سؤال أو إستفسار إختكم حاضره 
وكـل عام وإنتوا بخيـر
وكـل عام وإنتوا بخيـر
بأحطلكم بيانات سريعه عشان إللي يحب يعرف شي ..
– أولا أنا لي سنه بالضبط أراجع عشان العمليه في مستشفى توام..
– سويتها بتاريخ 31/10/2011 آخر الشهر إللي طاف من إسبوع يعني ..
-قعدت بالمستشفى 3 أيام ..
– لازم أكون صايمه قبل العمليه بيوم .. يعني من فليل المغرب جي ..
– قبل العمليه بيومين ما آكل شي بس سوائل وشوربات .. عشان المعده تكون نظيفه يوم العمليه وما يتلعوز الدكتور..
-قانون ثقه اليديده ما يترقد المريض بالمستشفى قبلها بيوم .. إيي نفس يوم العمليه
ويقعد بغرفة إنتظار في قسم دخول الجراحه إلين ربكم يفرجها!
جد تعبوني وهلكوني فما بالكم بإختكم إللي يايه من راس الخيمه وطالعه من الفجر من بيتنا
وقعدت بإجراءات وتجهيز وإنتظار إلين الساعه 1.00 الظهر تخيلوا التعب إللي شفته غير التعب النفسي؟!!
– سويتها بتاريخ 31/10/2011 آخر الشهر إللي طاف من إسبوع يعني ..
-قعدت بالمستشفى 3 أيام ..
– لازم أكون صايمه قبل العمليه بيوم .. يعني من فليل المغرب جي ..
– قبل العمليه بيومين ما آكل شي بس سوائل وشوربات .. عشان المعده تكون نظيفه يوم العمليه وما يتلعوز الدكتور..
-قانون ثقه اليديده ما يترقد المريض بالمستشفى قبلها بيوم .. إيي نفس يوم العمليه
ويقعد بغرفة إنتظار في قسم دخول الجراحه إلين ربكم يفرجها!
جد تعبوني وهلكوني فما بالكم بإختكم إللي يايه من راس الخيمه وطالعه من الفجر من بيتنا
وقعدت بإجراءات وتجهيز وإنتظار إلين الساعه 1.00 الظهر تخيلوا التعب إللي شفته غير التعب النفسي؟!!
-يوم دخلوني عشان العمليه قالي الدكتور يوم فقت بإنه إضطر يسولي عمليه ثانيه بطرف المعده من فوق كان صاير فيها إرتخاء وفتق فخيطها وما أدري شو .. وقاللي بإنها هيه إللي
كانت مسويتلي لوعه وحرقان في المعده..
كانت مسويتلي لوعه وحرقان في المعده..
– إستغرقت عمليتي من وحده إلين 5 العصر أعتقد من ضمنها فترة الإفاقه ..
عقبها ودوني غرفتي ..
عقبها ودوني غرفتي ..
– ما أخبي عليكم يا بنات أول ما فقت من البنج حسيت بألم فضييع غير محتمل بكتفي اليسـار
مع عدم قدره على التنفس بسبب بيب حاطينه من خصري وبارز بره الجسم عشان الدم
وكان من داخل الجسم تحت القفص الصدري عشان جي موب قادره أتنفس عدل..
مع عدم قدره على التنفس بسبب بيب حاطينه من خصري وبارز بره الجسم عشان الدم
وكان من داخل الجسم تحت القفص الصدري عشان جي موب قادره أتنفس عدل..
– مسوييلي 6 فتحات ببطني ..
– معطيني 14 إبره آخها البيت .. وكل يوم لازم أسوي إبره تحت الجلد يا بالبطن
يا بالريول .. عشان الدم ما يتجلط وتصيرلي جلطه بريولي ..
يا بالريول .. عشان الدم ما يتجلط وتصيرلي جلطه بريولي ..
إنيي للصــور
هاي أوراق الدخول عشان العمليه المفروض تعطونها لقسم الدخول قبل يوم العمليه بإسبوع بس محد خبرني ..
هاي غرفة الإنتظـار .. طبعا مشتركه مع غيرنا وبينا ستاره وماشي كراسي للمرافقين غير حنا
ندبر إعمارنا
ندبر إعمارنا
وهني يعطونج موعد قبل العمليه بعشر الأيام عشان يسوولج تحاليل ويتأكدون من كل شي
ويشوفج دكتور التخدير ..
وهاي صوره لورقة التحليل مع دوا الصيدليه
ويشوفج دكتور التخدير ..
وهاي صوره لورقة التحليل مع دوا الصيدليه
وهاي عند الدخول في يوم العمليه حاطين أوراق تعليمات على الطاوله بخصوص العمليه
وغيره
وغيره
لبسوني الإسويره الذهبيه في غرفة الإنتظـار
هاي الورقه مؤشر بحالة المريض يوم يدش غرفة العمليات
الأصفر والبنفسجي والزيتي وغيره ..
يخبركم مثلا المريض أحينه تحت البنج أو تحت العمليه أو في غرفة الإفاقه وهكذا
الأصفر والبنفسجي والزيتي وغيره ..
يخبركم مثلا المريض أحينه تحت البنج أو تحت العمليه أو في غرفة الإفاقه وهكذا
وهني معطيني اللبس قبل ما يودوني بنص ساعه ساعه
لي رجعه إن شاءالله بباقي الموضوع لكن عذروني تعرفون بعدني تعبانه شوي من العمليه حتى
عيد ما عيدت شرات الناس ولله الحمد ..
عيد ما عيدت شرات الناس ولله الحمد ..
دعواتكـم الطيبـه خواتي لأني جد أحتاجها
الحمد لله على سلامتك ومعافايه انشاء الله
ااااااااااااااااااب
الله يسلمج ويعافيها حبيبتي ليليانا تسلمي
نبض الشارقه شاكره رفعج للموضوع الغلا
اجر وعافيه حبيبيتي
بس احس وايد تعبووونج الصرااحه
اربيعتيه سوتها بس مب جيه ملعوزينها
ما تجوفين شر فديتج
بس احس وايد تعبووونج الصرااحه
اربيعتيه سوتها بس مب جيه ملعوزينها
ما تجوفين شر فديتج
تحياتي
لج
هلا حبيبتي أم الدانه
الله يعافيج ويسلمج يارب ..
مشكوره على المداخله الطيبه .. والله صدقتي لعوزوني واايد سواء الدكاتره أو ثقه!
لو ممكن تفيدينا عن ربيعتج متى مسوتها وشو حالها أحينه والسلبيات والإيجابيات
عشان الموضوع يكون شامل ومرجع لكل وحده تفكر تسوي العمليه
الله يعافيج ويسلمج يارب ..
مشكوره على المداخله الطيبه .. والله صدقتي لعوزوني واايد سواء الدكاتره أو ثقه!
لو ممكن تفيدينا عن ربيعتج متى مسوتها وشو حالها أحينه والسلبيات والإيجابيات
عشان الموضوع يكون شامل ومرجع لكل وحده تفكر تسوي العمليه
رفــع للفائده