السلام عليكم ورحمة وبركاته
علشان الاجازه قرر زوجي يشتري سمج وربيان وقال سوي لنا غداء بحري
فسويت هالاطباق
اولا سمك مقلي
غسلت السمك ونضفته زين
تبلته بـ ( ثوم مدقوق +عصير ليمون + كمون
+ فلفل اسود + كزبرة + ملح )
وهذاشكله بعد ما دهنته بالخلطه
يقلي في مقدار ملعقتين كبار زيت ويقلب الى ان يستوي ويقدم
الصياديه
نقطع بصل جوانح
نقلب البصل في ملقتين زيت الى ان يصبح بهذا الشكل
نشل البصل ونضعه في الخلاط ونضيف عليه ثوم مدقوق وملح وبهارات مطحونه عبارة عن ( فلفل اسود + كمون + قرفه مطحونه + خولنجان مطحون + زنجبيل مطحون)مقدار ملعقه صغيرة من كل نوع
نضيف عليها كأس ماء ونخلط الى ان تصبح بهذا الشكل
نضيف عليه راس سمكة لتعطي طعم للارز ونتركها تغلي مدة ربع ساعه
نصفي المرق ونضع الرز عليه ونضع عود قرفه و4 حبات هيل 2 قرنفل ومرقه ماجي وقليل اجيني موتو
ونتركه الى ان يستوي
ويقدم
ربيان مقلي بخلطة روعه :
مقادير تتبيلة الربيان..
بصلة صغيره..5 فصوص ثوم..
ملح..
فلفل اسود..
كمون..
كأس دقيق..
كأس ماء بارد..
بيضة..
فلفل احمر حار..
عصير ليمونة..
2 ملعقة زيت..
نخلطهم بالخلاط .
بعدين تقشرين الربيان واغسليه بعدين انقعيه مع خل ابيض وملح شوي
اخلطي الربيان مع الخليط وحطيهم في الثلاجة.. علشان تصير العجينة متماسكة شوي
تقلى حبات الربيان بالزيت نأخذ حبة حبة
ربيان صغنووووووون بس لذيذ
وتقدم
وسويت سلطه خضراء
وطحينه ثوم
اتمنى سفرتنا عيبتكم
وتسلم الاياادي
^__^
بالعافيه على قلوبكم
تسلم ايدج
طحينه ثوم.. كيف سويتيهاا ؟؟؟…
وتسلم الايادي الاكل شكله شهي ماشاء الله
بدعتي فالسفره صراحه
وانا من عشاق السي فود 
يعطيج العافيه الغلا
عليكم بالعافيه فديتج ,,
ومره ثانيه اعزميني ولا بزعل عليج ^ـ^
والسموووووووحه ^ـ^