فيني الجدري .دخيلكن طمنن قلبي 2024.

السلام عليكم رحمة الله وبركاته…
اخواتي انا الحين في الشهر الثاني تقريبا من الحمل…..طلع في جسمي حبوب غريبه ووايده….يوم رحت العيادة قالولي انه جدري,,,,,المهم انهم ما يطمنون اللي يروحلهم ولا يقولون شو الاحتمالات اللي ممكن تصير…يعني انا الحين اريد اعرف بالظبط شو اللي ممكن يصير للجنين…ومتى اقدر اتطمن عليه….وشو نوع الماطر اللي ممكن تصيبه..
(لا اله الا انت سبحانك ربي اني كنت من الظالمين)

أستوي بربيعتي نفس الشي..وكانت واايد خايفة…بس كانت وايد تدعي….والحمدلله ربت بيبي معافى من كل شي

سيري عند دكتوره شاطره عشان تطمنج او تعطيج دواء زين والله يطمن قلبج يارب ودووووووووووم ادعي
اللهم اني استودعك مافي رحمي فحفضه لي
اللهم ارزقني طفل سليم معافى كامل الخلق والخلقه من غير زياده او نقصان

و ماعليه شر والله يشفيج يارب

ان شاء الله خير لا تخافي واهم شي لا تحكي الحبوب
وروحي دكتورة شاطرة توصف لك الدواء المناسب

ولا تنسي اهم شي عدم الحك عشان ما يظل اثره عليك

الله اني استودعك مافي رحمي فاحفظه لي..اللهم ارزقني طفل سليم معافى وكامل الخلق والخلقه من غير زيادة او نقصان,,امين يا رب
مشكورات خواتي والله يجعله في ميزان حسناتكن يا رب

لا تحاتين اختي انا ياني الجدري وكنت حامل في الثاني او الثالث والحمدلله ولدي ما صار فيه شي

الله يحفظج انشالله ..
انا عندي ربيعتي ياها الجدري في الشهر الثالت وقالوله الاطباء لازم تنزلينه هيه قالت لا ما بنزله والي يصير يصير والله العظيم ان ولدهم عقب ما يبته اول شهرين ما فيه شي وبعدين وايد تلعوزت معاه قامت تيه تشنجات كل خمس دقايق
وكله في العنايه المركزه وبعدين سافرة لندن وكملت العلاج هناك حقج الولد وسوله كذا عمليه في راسه والله العظيم اني ما اضحك معاج الغاليه