قبل كنت اركض ادور شغل الحين الشغل يركض وراي . شو الحل 2024.

شخباركم حبايبي،،،

بنات أنا قبل لا اتزوج كنت أشتغل ومن ملجت طلعت من الدوام لان دوامي صعب

وما قدرت اكمل فيه بعد زواجي … المهم بعد زواجي بــ 6 شهووور حاولت ادور

على وظيفه حنى لو كانت براتب قليل المهم اشتغل لاني مليييت من يلست البيت و

غير هذا انا اهني وريلي يداوم في بوظبي وما ايه الا في الويك اند .. المهم الحمدلله

بعد سنه حملت وسبحان الله من حملت قااام كل حد يتصل لي من دبي وراس الخيمة

للعلم انا من راس الخيمة …وااااايد رفضت لاني كنت في الشهور الاولى من الحمل

والدكتوره قالت لي لازم راااحه تامه …وطبعا يتني تقريبا 6 فرص للوظيفه بس كنت

كله ارفض … لاني كنت اقول خلاص انا الحمدلله مو ناقصني شي والحمدلله بس

اللهم عشان اسلي وقتي … لكن الحين بعد كم شهر بتيني بنوته واكيد بنشغل وياها

المهم بنات … اليوم يتني وظيفه وكلموني وقالوا لي ان الوظيفه سهله ما يبالها

تعب ولا شي … وانا طبعا رفضت ومكان الشغل قالوا باجر ردي علينا خبر اكييييد

اذا موافقه على الشغل ولا؟؟؟

بناااات انا بس حبيت اعرف شو رايكم بالموضوع …وخاصه اللي عندهم يهال

** أرضى بالوظيفه واشتغل

أو

** أيلس في البيت واربي عيالي احسن لي

ملاحظه بنات :

انا عندي عمتي واميه الله يخليهم لي يارب يعني عادي ايودون بنتي لاني ما احب

الشغاله اتيود بنتي ابد …