هذي قصيده أعجبتني بأحد المنتديات وحبيت أنقلها لكم
قصيدة شاب تعب من "ترقيم البنات"
أتعبني الترقيم من سوق في سوق
كني موظف في حراسات الأسواق
لزقت فيها لزقه علوك "باطوق"
حتى عرفني كل بايع وسواق
من شافني يقول تاجر ومرموق
في اللبس أنا رسمي ورايق وذواق
وأنا منتف في الحقيقه ومزنوق
حظي مجنب بي عن دروب الأرزاق
عقلي من الخفرات لاذع ومحروق
من يفتحون السوق وأنا على ساق
الحق بنات الناس هايم ومطفوق
ومخباي مليانه من أركان الأوراق
شبكت "هند" و"ريم" والثالثه "شوق"
ولا تنسو حبيبتي "وعد" وقلبي "أشواق"
دايم وجوالي على الآذان ملصوق
محبوبتي ما تحتمل بعد وفراق
تقول"ثامر" وأسمي الصدق "مرزوق"
لا يابعد "ثامر" و"مرزوق"و"أسحاق"
ألعب عليها لعب عاشق ومعشوق
وأبني براس الحلوة جسور و أنفاق
هذا… سلوك أهل الهوى كلها بووووق
اكثر ضحايا الناس في الوقت عشاااااااااق
وأتمنى أعجبتكم
تحياتي
العنيدة
نايس يسلمو ع النقل
ثانكس عالنقل ^-^
تسلم الايااااااااااادي يارب…….
تسلمين خيتو على النقل