كل وحده تكتب طريقتها في الحفاظ على صحتها الجسديه والنفسيه 2024.

بنات معروف كلنا كسالى ومافينا حيل نهتم بصحتنا ولا بنفسيتنا مما اثر على صحتنا بشكل عام شفتوا كيف قامت الامراض تنتشر بشكل سريع

كل وحده تكتب طريقتها عشان نحافظ على صحتنا لاني وايد مهمله فياليت تدلونا يزاكم الله كل خير

انا قريت ان القرنبيط والبروكلي من الاغذيه المهمه تتناولينها عشان تهتمي بصحتج

اهم شي الحركة والمشي مو اكل وربادة ما ينفع
والبروكلي صنف عالميا من احسن الاغذيه بالعالم
والعدس من افضلها بس يمتن
وشكرا

الحمدلله على كل حال
صحة الجسد والنفس كلها من صحة دم الانسان من الداخل
ان كان هالدم مرتفع وكل مكوناته سليمه وكامله .. نحمد الله ونشكره على الصحه
وكله تنعكس بإيجابيه على الجسد والنفس
وطبعا نحن الجنس الناعم اغلبنا مفتقرات لهالشئ ..
والسبب الرئيسي سوء التغذيه

طبعا احاول قد ما اقدر اني اعدل غذائي ( سلطات + فواكه + الوجبات الرئيسيه 2 من 3 يعني الغدا والعشا ، والريوق نادر جدا واحاول انظم هالوجبه لأنها تعتمد على نشة الصبح )
والحمدلله اللهم لك الحمد ابتعدت عن شئ اسمه غازيات ( ديو + فيتامين سي … الخ)
وأهلا وسهلا بالعصائر الطازجه والألبان ( الحليب مع العسل )
وافكر اخذ مكملات غذائيه فيتامينات .. ( مأجله لأجل غير مسمى حاليا )
والرياضه اللي انقطعت عنها بسبب الظروف
والمـــــــــــــــــــــاي اللي هو العنصر المهم في حياتنا ( اتعالج بالماء )

وبالنسبه للاهتمام النفسي ( الراحه النفسيه هي السعاده والسعاده هي الايمان )

" ألا بذكر الله تطمئن القلوب "
سعاده وراحه وانشراح والرضا بكل شئ والحمدلله على كل حال

1.5 لتر من الماء
أحاول اركز على الاشياء المفيده مثل الخضار والفواكه

أحاول اشرب المشروبات الصحيحة مثل الزعتر والبابونج والعصائر الطبيعية
الحمدالله ما أشرب ابدا المشروبات الغازية

كنت من قبل أمشي نصف ساعة يوميا بس ألحين أبدا ما أمشي الله يعينا أجمعين

هذا اللي أقدر عليه

المشي ثم المشي ثم المشي

انا عن نفسي تعودت واذا ما مشيت ساعه كامله فاليوم احس ان في شي ناقصني

وايد حلو الموضوع
وماقصرن الخوات
وهذي نصيحه
one apple aday keep a doctor away
ههههههههههههه

[B]انزين بنات بغيت اسألكم عن البروكلي كيف ناكله يعني بس نفوره؟ وعادي اذا ناكله يوميا ؟[/B]