ارجو من خواتي العزيزات و امهات الغاليات ان يساعدوني في الحل تخلص عوار الثدى(الصدر) لان من بارحة قررت افطم ولدي لان بيكمل سنتين و من بارحة تعبانة من تجمع الحليب ف صدري و اليوم زاد الالم و صدري شرات الحصاة واللة ما اقدر ارقد و لا احرك ايدي قالوا لي بتمين يومين جي و خلاص بس ما اظن بستحمل يومين حاسه صدري بينفجر و اذا فرغت الحليب اخاف ما يتيبس فارجو من مجربات يخبروني بالوصفة او شىء يريحني من العوار………. اشكركم حبيباتي
انا فطمت بنتي وعمرها 4اشهر والله هلكت اسبوع اعاني انترس حليب ما كنت اقدر انام بس اسبوع وكل شي بيرد طبيعي اتسبحي بماي دافي وبيخف
انا الحمدالله يوم فطمت بنتي ابدا ما تعبت لان اصلا ما في حليب
بس اذكر حرمة اخوي يوم فطمت ولدها راحت الصيدليه وعطاها حبوب ينشف الحليب من الصدر وبعد اشفطت شوي من صدرها بشفاه الحليب
بس خلي ريلج ايروح الصيدليه وايقوله ابغي حبوب تنشف الحليب من الصدر وبيعطيه وان شاء الله بترتاحي
بس اقولج اشفطي شوي حليب من صدرج شوي مب وايد عسب ترتاحي
وان شاء الله اكون افدتج
حبووبه تجمع الحليب في صدر المرضعه مب زين ايسوي امراض خبيثه …
سيري الصيدليه وخذيلج شفاطه …حق صدرج وافطي الحليب وبعد كمن يوم بينشف … واستشيري الطبيبه علشان تعطيج حبووب تنشيف …