مرحبا خوااااااتي
خواتي بغيت طريقة الدونات بالمكينة لأنها دايماً ما تنظج عندي بالمكينة علماً بأن ماركتها جيباس
بلييييز ابيها ضروري
يزاكن الله خير
واعذريني
اولا دونات حلوه
كوب سكر بودر
1 ونص كوب طحين منخول مع 1 م ص بيكربونات صودا ومثلها بيكنج بودر
نص م ص ملح ومثلها فانيلا
2 بيض
نص كوب زيت ومثلها ماي ومثلها لبن
تعجن وتريح 5 دق
المكينه تاخذ 3 دقايق للصبه بعد دقيقنتين افتحي واقلبي بسرعه وراح تتحمش زين وخليها حتى لو انطفت اللمبه صبري دقيقه
المقدار يكفي 6 صبات وعوافي
الدونات المالحه
كوب طحين
1 م ك بصل مفروم ناعم
1 م ك كزبره خضره ناعمه
1 م ك شبت مفروم
فص ثوم ناعم
نص م ص بيكنج ومثلها بيكربونات
نتفة كمون وفلفل اسود وملح وكركم
نص كوب ماي
3 ملاعق طعام زيت ومثلها لبن
بيضه
عجنيها وخليها 10 دق وصبي ونفس الشي قلبي بعد دقيقتين كل صبه
وبالعافية
عندي لكم طريقة لعمل الدونات ما ادري جان تعرفونها ولا ما تعرفونها
المهم بعطيكم المقادير :
6 بيضات
6 فناجين سكر
نص فنجان ماء ورد مع نص ملعقة هيل مع شويه زعفران
6 فناجين زيت
6 فناجين طحين رقم 1
ملعقة صغيرة بيكنج بودر
أما بالنسبة للطريقة :
بأنج يالغالية تعجنين المقادير عدل كلها في وعاء ( طاسه )
وتخلينها تقريبا نص ساعة
وبعدين تخبزينها في المكينة الخاصة لعمل الدونات
مشكورة اختي ( الاماراتية 33) على طريقة الدونات للاخت امل الحياة
بس عندي مشكلة …
دائما الدونات يطلع معي يابس جربت اكثرمن طريقة بس نفس النتيجة أبد ما تطلع طرية ولينه …
ما اعرف شو المشكلة ….