متعقدة من صدري المترهل 2024.

السلام عليكم خواتي انا توني عضوه يديده عندكم وماشاء الله عليكن استفدت وايد من تجاربكن وصار لي مده أتابعكن بس الحين انا بأمس الحاجة لكن خواتي متعقدة وايد من صدري المترهل صح ان هذا نتيجة الحمل والولادة بس احس صدري مترهل بزياده صح الغلط مني لأني مأسويت رياضه عقب الولادة ومارضعت عدل لأني كنت صغيره ويلا يلا عرفت ارضع يلا قدر الله وماشاء فعل وما توقعت كل هذا يصير والحين معاي ولد وبنت الله يخليهم بس والله وايد انحرج من ريلي بسبب صدري المترهل ماحب ريلي يشوف صدري ومن ناحيه اللبس لازم استر صدري وريلي لمتى بيتحمل هالوضع انابعدني صغيره بس لما أشوف صدري احس أني عيوز من جد اول شي فكرت أسير عياده سعاد لطفي خفت تقول ابر وانا سمعت ان الإبر لازم استمر عليها فهونت وعقب فكرت أسير نادي اسوي رياضه بس انا ما عندي وقت اعتمادي مب كله عالخدامه وبعد كم يوم عندي موعد فعيادة المفرق جلديه الحين همتكن ياخواتي من تجاربكن منو سارت هالعيادة وعالجت صدرها المترهل انا خايفه يقولون ماشي غير عمليه الا هالشي أريد حد يطمني ان شي علاج ومنو بعد جربت الرياضة لشد الصدر وزين باي نادي واللي جربت عند سعاد لطفي بعد لا تبخل علينا والسموحه عالاطاله

الرياضه طبعا مفيده جربي الالات اللي تشد الصدر حتى المشي يفيد ولو بنسبه قليله

يمكن انتي وايد ضعيفة عسب جي انتي سيري العيادة و شوفي و ان شا الله بنحصلين حل

حبيبتي سوي تمارين شد الصدر فالبيت واشتري الاثقال

انصحج بزيت الزيتون
انا مشكلتي ماكان فيه صدر ابدا لين ماتخرجت من الثانويه
ودخلت الجامعة

جربت الزيت زيتون الاصلي تخلينه على نار هاديه لين ما يدفى الزيت
وانتبهي ماينحرق عشان خواصه
ودلكي به صدرج بحركة دائرية وانتي تشدين شوي في اليوم 3 مرات
واستمري عليها اسبوعين وشوفي التحسن صدرج بيتنفخ شوي ويستوي يابس وبيعورج نتيجة انه
قاعد يشتد ويصير اوووكيه (نفس آلام الدورة)

وبعد عندج زيت الحلبة وااااااااايد بعد مفيد وبنفس الطريقة السابقة

وداومي على رياضة شد الثدي بتحصلينة ع اليوتيوب

حلوات الأهداب مشكوره يالغلا بالنسبة للاله وين بحصلها وهل هي فعلا مضمونه وتشد وجربتيها أختي العزيزة ولا… وبالنسبة حق المشي اللي اعرفه ان شد الصدر له حركه معينه واذا المشي بس بيشد صدري ليش لا أكيد بمشي ومشكوره مره ثانيه عالمرور

حياتي إنجاز مشكوره عالرد هيه صح كلامج انا قبل لا أعرس كنت متختخه وصدري كان روعه كبير ومشدود وهذا اللي مظايقني اكثر لاني انا اللي خربت جسمي وبالاخص صدري وعقب ألبيبي الاول ضعفت وعقب الثاني وضعفت اكثر وصح هذا اكبر سبب للترهل والأغلبيه من الحريم تربي وتمتن انا العكس وترا النفسيه بعد تلعب دورها والله المستعان وانا ماهتميت بنفسي لا برياضه ولا بغيره وان شاء الله من ارد من العيادة بخبركم شو صار معاي والله يوفقج ان شاء الله