السلام عليكم …
خواتي اللي عندها عيال يدرسون في مدرسة المعارف (دبي – النهده) تخبرنا عنها لأن ولدي فالكي جي وبخليه يتم فيها Grade 1 فياريت اللي تعرف تخبرني للضرورة عشان اتلاحق اذا بغيت انقله .
مشكورين ويزاكم الله ألف خير … ردوااااااااا لا تهملون الموضوع …
حبيبتي انا عيالي فالمعارف و انشاء الله هالسنه بنقلهم
يختي الكلاس فيه 35 طالب وين المس بتروم عليهم يحشرولج الكلاس حشر و ماشي تفاهم ولا تواصل بالمره
بس فيه ناس امشين فيها و في الي يمدحها
انا بصراحه ما عيبتني
يختي الكلاس فيه 35 طالب وين المس بتروم عليهم يحشرولج الكلاس حشر و ماشي تفاهم ولا تواصل بالمره
بس فيه ناس امشين فيها و في الي يمدحها
انا بصراحه ما عيبتني
تسلمين عالتوضيح …
عيالي درسوا الكي جي فيها ,,, وهذا بخليه يكمل بس محتاره .!.!.!..!
قريت موضوعج عن مدرسة التربية الحديثة ترى المعارف أحسن عنها بوايد.
مشكورة عالمشاركة
والله ما اعرف يا ام خالد روحي مليت من المعارف عيالي دارسين فيها من الكي جي و الحينه واحد بيسير صف اول و العود الصف الثالث
وهم بالمره مب امشيين ويا المدرسات ومحد يتواصل معايه كل مره اسير لهم و بوالعيال يروح لهم بس ماشي فايده بالمره
وهم بالمره مب امشيين ويا المدرسات ومحد يتواصل معايه كل مره اسير لهم و بوالعيال يروح لهم بس ماشي فايده بالمره
انا عيال اخوي بالمعارف و ما شاء الله عليييهم امشيين فيها
بس انا ولدي بدخله المهارات الحديثه الخاصه احسها احسن
للرفع
انا بصراحه انصحج انه تخلين ولدج ف المدرسه .
انا دارسه فيها والحين الحمدلله بتخرج من الجامعه .. بس اساسهم في الانجلش وايد اوكي .. حتى عيال عمي ماشاء الله من 4 او 5 سنين فيها .. وانجليزيتهم ما شاء الله وايد اوكي .. مقارنة بأخواني الصغار الباقين اللي دارسين في مدارس ثانيه