اشحالكن بنات وعلومكن عساكن مرتاحات
سالفه قهرتني وااااااااااااااااااايد وااااااااااااااايد وحبيت اعرف رايكن بالموضوع
بدخل بالموضوع على طووول
سالفه استوت لي بتاريخ 9|10 |2008 م وفي هاليوم بالضبط كان عرس بنت عمتي بدبي وع الساعه 1 ونص ظهرنا واحنا مروحين لعيمان
كنت اسوق السياره ومعاي خواتي المعرسات وعيالهن و بنت خال العروس وعيالها
المهم اخوي طلب مني اطلع ع شارع الامارات عشان الزحمه وانا قلت له لا بختصر الطريج وبسير من شارع المدينه يعني بطوف ع شارجه وعيمان لام القيوين
طبعا ع حظي كانوا يسوون صيانه لجسر المشاااه في عيمان ع الساعه وحده ونص باليل والطرييج كله شاحنات وزحمه ابدرجه انه السيد كان موقف
واللي يقهر بالموضوع انا طلبت من وحده سيد اني اطلع ع صوب السيايير الصغيره عشان اقدر اطلع اشوي اشوي من الشارع وهي الله يسامحها ما عطتني مجال
ابدرجه اني نزلت الجامه وطلبت منها وهي ما شاء الله عليها وربيعتها سياره من دوون مخفي وميك اب تبارك الرحمن فل والشيله ع الجتف
يعطون الشباب سيد اما البنات لا ……*____*
وطبعا يعني لو رحت جدامها ما بينقص عليها شي ولا بيزيد اللهم سياره وحده بتطلع جدامها
والحبيبه اشرت علي بمعنى اتقول لي يلااا ما بعطيج …. وانا عصبت من الخاطر …بس شو اسوي
اتضارب بالشارع استغفر الله
والله كل اشوي وانا لازقه بالشاحنات ماشي مجااال حتى فييه شاحنات لفوا علي ..لين واحد من الشاحنات عطاني مجال اطلع جدامه وطلعت من زحمه ودخلت ع زحمه ثانيه وتمينا في الزحمه للساعه 4 الفير اتخيلوا
وانا من القعده ظهري رااااح فيها …. وطبعا يوم رديت البيت مرضت يتني حمى وعقبها صاحبني الزجام والكحه ع اليوم الثاني وحالتي كانت لا يرثى لها
الكل رقود بالسياره انا روحي كنت اكافح واحارب في هالزحمه خخخخخخ
المشكله مب من مرضي… المشكله اللي ابا اطرحها عليكم ليش دائما البنت بدال ما تراعي البنت بالشارع واثناء السواقه تعطي مجال للولد اما البنت طاااف…. وحتى يعركلون السير بس عشان الولد يطوووف … وتعالي لو طلبتي منها سيد لسان ع الشارع هالطووول
وللاسف انه اللي شفتهن مواطنات هب وافدات
واشوف هالشي بالشباب بعد يعطون مجاال للبنات ويعاندووون الشبااب
وساعات ضرابه بالشارع بسيايير انا اسبقك وانا اسبقك
سواء كان ولد ولا بنت
شو السااااااااااااااااااااااااااااالفه ؟؟؟؟؟؟؟؟؟؟؟!!!!!!!!!!!!!
عفانا الله احنا وين عايشين في حرب … انا دوووم اواجه هالمشكله يوم اسوق
وانا يحليلي يوم حد يطلب مني سيد ما اشوف اذا هندي ولا ريال ولا حرمه اعطي للكل مجال اذا شفته متوهق بالطريج
وين الاخو او (الاخت) اللي لازم يكون (تكون ) في عون اخييه (اخته)
انتوا شو رايكم ؟؟؟؟؟؟؟؟؟؟
وبعكس مظهرهن "الحلو | الجذذااب " الخارجي،
فهن وقحات و ذوات طبع سيئ…
سألوني ، شفتهن واادي بالجامعة !!
والله يا خيتي يعتمد ،،
يعني لو … (( هذا لو )) .. صار عندي ليسن و تعلمت اسوق وخذت سيارة ،،
ما تهون عليه بنت بلادي تسوق سيارة و عايلتها وياها ومتوهقة فالزحمة وما اطوفها ،،
واكيد في بنات غيري وايد يسوون جي ،،
وحدة من البنات اعرفها دايما تتصرف جي ربي يحفظها ويخليها لأهلها ،،
والعكس عند اخوي ،،، اخوي يكره حد يطوف جدامه ،، سواء بنت والا ريال ،، سواء هندي والا مواطن .. محد يطوف يعني محد يطوف ،، وعادي يظارب وينزل من سيارته ماسك خيزرانه
مادري شو يستويبه من يحدر الشوارع والزحمة ينجلب المود عنده 180 درجة .!
وعندج الوالد .. نص و نص ،، اذا شاف حد بروحه والله بيسوي اكبر طاف ،، بس لو شاف حرمة .. اكيد بيسويلها سيد خخخخخخ
و دوم احط عليه عسبة هالسالفة ،،
لكن حبيبتي البنات اللي شفتيهن .. مبين عليهن من أي طينة ،،
فـ لو كنت مكانج ،، ما انزل عمري الهن واكلمهن .!
بس لا تقولين مواطنات .. شو دراج والله الغاليه ترا الكل الحين قام يلبس شيله وعبايه وما قمنا نميز بين هذي وهذي
بنت لبلاد مابتركب سياره مب مخفايه .. وحتا لو ركبت ماظنتي توصل فيها الجراه والوقاحه للدرجه هذي
والله يمكن لا مواطنات ولا شي
واااي كله هاااا صار لج وع اخر الليل !!!!!
اسميج مكاافحه ههههه
الغاليه الحين البناات الي يركضوون ورااا الشباااب مب الشبااب الي يركضوون ورا البنااات << ونتي بنت شو يبوونج
طالعت نص الليل وكاشخاات وحالتهم حاله يبغوون حد يسويلهم سالفه ونتي ع نيااتج هههه تقوولين لهم ابغي اطووف هم من القهر محد مسويلهم سالفه حطوا حرتهم فيج ..
اهم شي حمد لله ع سلامتج ..