بنات أنا دخلت شهري وعطوني موعد أني أربي بأول عشره…،
مكشلتي أني مليت من النطره خخخخخخ
بصراحه أبي أربي وحالتي النفسيه أزفت من الزفت بسبة المشاكل اللي ماتخلص
أبي أربي وأشغل روحي مع بنوتي عن العالم كله وأفتك خلااااااااااااااااااااص
فـ بليز أبي أعرف من واقع تجاربكم أو من اللي سمعتوه شنو الأشيا الي ممكن أنها
تحفز ع الولاده
أنا ببلش من اليوم أمشي لين ما ينهد حيلي بس ما أعرف ششرب
في وحده قالت لي ماي ورد وزعفران…؟!!!
برأيكم أجرب
عطوني حلول الله يخليكم
هذي فرحتي الوحيده اللي بشوفها فهالدنيا عشان جي مستعيله خلاص أبي أفرح ومن قلبي
أبي أنسى اللي فيني لي شفت ويهها وضميتها لصدري محتاجه لضمتها وربي اعالم بحالي
ولا حول ولاقوة الا بالله العلي العظيم
دعواتكم بليز
وربي حاسه فيج
انا بعد تعبت وكل مره يجيني الم أموت منه وفالنهايه يقولون لي كل شي أوكي
مع اني لي سويت التخطيط يحوشني الم مو طبيعي وتعبت من الترجيع
والمشي مالج الا هالحر والرطوبه مع اني ماقدر امشي ولا عندي دري فالبيت
فمافي الا الطرق البديله وهي الشرب خخخخخخ
مع اني خايفه من الولاده ولا ام ولا أخت يخففون علي بس خلاص الحين اقولها وبقلب قوي ابي اربي خخخخخخ
وليش للحين اتداومين اخذي اجازه دامج بأخر أيام حملج الغاليه
لا أتعبين نفسج ع الفاضي
خواني هند ونبضي
ربي يطول بأعماركم ويوفقك وتسلمون ع الرد فديتكم
بنات انا اليوم قعدت أدور مواضيع عن محفزات المخاض الطبيعية وشلون تبكرين في الولادة (دورت في مواقع أجنبية) ولقيت واااايد شغلات بس في بعضها ما اقتنعت حسيتها مو زينة وفي شغلات حسيت انها طبيعية وسهلة قلت بكتبها لكم وانتو قولو شرايكم،، واللي جربت بعضهم ويابت معاهم نتيجة ياريت تفيدناا..
أولا: الاسترخاء
قريت ان هرمون التوتر يأخر حدوث تقلصات الرحم وبدء المخاض، فالاسترخاء والتنفس مهمين جدا مع راحة البال.
ثانيا: التخيلاغماض العينين مع تخيل حدوث تقلصات الرحم ممكن انه فعلا يخلي الطلق يبدأ!! كثير مواقع قريت فيها هالشغلة.
ثالثاً: الجماع
لأن مني الرجل فيه مادة تحفز الطلق وكذلك العملية الجنسية نفسها تساعد على بدء المخاض.
رابعاً: الحركةخصوصا المشي الكثير، التمرينات الخفيفة والرقص!!
خامسا: تحفيز حلمتي الثدي
هالنقطة ما اقتنعت فيها بالبداية بس بعدين لقيتها في كل المواقع ومكتوب انها طريقة مضمونة!! الطريقة بالتفصيل انج تييبين فوطة صغيرة ناعمة جدا وتغمسينها في ماء دافي وتعصرينها وبعدين تحفزين فيها حلمة احدى الثديين يعني تحركين عليها الفوطة بخفة لمدة 15 دقيقة تقريبا، وبعدين بأي وقت تحسين فيه بتقلصات في الرحم (حتى قبل لا تكملين ال 15 دقيقة) وقفي وريحي 5 دقايق، وبعدين كرري العملية على حلمة الثدي الثاني أيضا 15 دقيقة وريحي 5 دقايق، وبعدين كرري هذي الخطوات كذا مرة وريحي وعيديها بعد 5 ساعات تقريبا، وبنفس اليوم ممكن يبدأ المخاض!!
وأكو طريقة ثانية: تحفيز لمدة دقيقتين وبعدين تريحين لمدة 3 دقايق وتكررين هالعملية لمدة 20 دقيقة وتكون 4 إلى 6 مرات في اليوم.
سادساً: الأناناس
فيييه أنزيمات تحفز الطلق وخصوصا الأناناس الطبيعي وليس المعلب أو العصائر
سابعا: الأكل ال Spicy يعني المبهر
خصوصا الأكل الهندي والمكسيكي والصيني أو أي أكل فيه بهارات وايد وفلفل
ثامناً: زيت الخروع
تاخذين الطبي من الصيدلية وتحطين 3 ملاعق فقط مع كأس عصير (يفضل أناناس) وتشربينه والأفضل ماتشربينه الا كان الرحم مفتوح
تاسعا: شاي الكمون
تاخذين شوي كمون تغلينه مع ماي وبعدين قصري النار عليه وخليه يرتاح 5 دقايق وبعدين حليه بعسل واشربيه ( مكتوب كوب واحد باليوم فقط).
عاشراً: الحقنة الشرجية
مكتوب لأن أغلب الحوامل يعانون من الإمساك، وبما أن حركة الأمعاء تحفز حركة الطلق فالحقنة الشرجية تييب تكرمون الإسهال اللي ممكن يحفز الطلق ( تقريبا نفس السبب مع زيت الخروع) ومكتوب ان أمعاء الحامل ممكن يكون فيها فضلات قديمة تؤخر بدء الطلق واذا طلعت تسهله.
احدى عشر: ركوب السيارة في طريق متعرج( كله مطبات مثلا)
مكتوب ان هالطريقة تخلي البيبي ينزل راسه تحت ويصير وضعه مناسب للولادة!!
اثنى عشر: عصير التفاح
أم إليان ضافت لنا عصير التفاح وتقول عن تجربة
وانا بضيف مشروب لذيذ تذكرته واهو انكم تاخذون عصير التفاح العلب (كي دي دي مثلا) وتغلينه مع أعواد قرفة (وهي بعد تسهل الولادة) وبعدين تشخلينه وتشربينه حار، لذيذ ويؤدي الغرض
على فكرة انا ما جربت ولا طريقة وناطرة أسمع آرائكم وشكرااااااااا