شحالكم الغاليات وشو اخباركم؟؟؟
فديتكم انا بنتي عمرها سنه و4 شهور تقريبا وانا اعاني انها تمص لسانها دايما
كانت يوم صغيره تمسك لحافها واتم تمصه لين ما ترقد
بس انا من شهر تقريبا فطمتها عن اللحاف وقامت تمص 24 ساعه من دون شي وحتى لو ماتبا ترقد
وللاسف هذا مخلنها ما تشتهي الاكل وضعفة وااااايد
اللي عنده حل بلييييييز ساعدوني ما عرفت شو اسوي معاها
بنت اخوي الحين صف 5 وللحين تمص لسانها وغاديه هيكل عظمي وكله في حالها وانا ما اريد هالشي في بنتي …
واذا عندكم رقم دكتوره نفسانيه عطوني اياه لان احس ان هالشي نقص حنان لاني حملت عليها بسرعه
اتريااااااااا حلولكم حبيباتي
ان شا الله البنات ما بيقصرون
مافي حل غير انج تودينها عن دكتور بس بنت اخويه جذيه ولين الحين تمص لسانها ..
اختي عليج بدكتور اسنان إخصائي تقويم
هذي الحالة علاجها بجهاز متحرك يتركب داخل الفم اسمه (Habit Breaker) شبيه بجهاز التقويم المتحرك
ومعناه كاسر العاده <— اللي هي عادة المص وفي غيرها مثل مص الإصبع وعادة التنفس من الفم
ولا تهملين هالشي لانه الاستمرار في هالعاده بيأثر بعد سنين
وعسب تتأكدين من صحة كلامي .. ادخلي جوجول صوب الصور واكتبي Tongue Thrusting
وشوفي النتايج هالهاده بعد سنين
تراها تأثر على شكل الويه والاسنان
وعقبها بيحتاج الشخص لعلاج تقويم
من الاول لا تهملين هالسالفه
والله يحفظهم
دكتورة أسنان ^_^