اليوم كان اول يوم دواام و انصدمنا بان دوام المدارس من الساعه 8 لين الساعه 3 ونص بالنسبه لبنات الثانويه وكان تقسيم اليوم على اساس 3 حصص و بعدين بريك و بعدين 3 حصص وبريك ثاني وبعدين 3 حصص يعني تسع حصص فاليوم!!!!!!!!!!!!!
حراااااام عليهم بناتنا و خواتنا ما يستوعبن شي اليوم رجعن هلكانات لا تقولون اول يوم وبيتعودن بس هذا ظلم ما تسوا عليهم اجازة رمضان لازم يراعون شوي الطلاب ما يستوعبون و المعلمات بعد من وين لهن وقت عشان يحضرن و يجابلن بيوتهن يعني محد مرتاح على هالحال لا طالبات ولا المدرسات
وخاصه انه بنات الثانويه العامه كيف يقدرن ايبن نسبه عاليه على هالنظام ما يسد يعني النظام المستمر و البحوث و الواجبات الى ما تخلص لازم يحسون شوي ولازم يغيرون هالحال و يرجع الدوام مثل قبل عشان الكل يرتاح اذا يبون الطلاب بشكل عام ينجحون و ايبون نسب مرتفعه
عشان جيه انا كتبت الموضوع واتمنى نلقى حل نساعدهم ؟؟
شو نقدر نسوي؟؟
نسير المدرسه و نحتشر و لا نكلم منوه.؟ منوه بيسمعنا؟؟
لازم كلنا نصييير ايد وحده و نعترض على هالحال
ياليت كل وليه امر تروح المدرسه و تحتشر عشان يرجعون عن هالقرارات الي مافيها رحمه و انا اولكن ومن باجر سااااارحه المدرسه و محتشره عليهم
وان شاء الله يكون في فاايده
اسمحولي طولت عليكم بس لازم نتحد و نغير هالحال
بس لزم احد يروح يرمسهم او يوقفهم عند حدهم
المشاركة الأصلية كتبت بواسطة ادري 
بس لزم احد يروح يرمسهم او يوقفهم عند حدهم
ان شاء الله بس بعد انتي سيري ولا خلي حد من اهلج يسير لان ايد وحده ما تصفق والله كريم
صدقج اول يوم تعبنه
عيل طول السنة شو بنسوي
لازم يرجعون قراراتهم
ويعين الوزارة ..