منو الغلطان انا ولا عمتي !! 2024.

كنت توني مخلصه من السوق ويا اخت ريلي ورديت البيت عندهم لانه ريلي داخل بوظبي يحاوط ويا ربيعه وانا بيتي في الشامخه فقلت بيلس عند عمتي لين مااايي

المهم اول مادخلت الميلس سلمت على عمتي وحبيتها على راسها وسلمت على خوات ريلي وبنتي كانت تصيح عمرها 11 شهر وقلت بروح الصاله عشان ابدللها واهديها واكلها ويا اختها العوده

المهم تميت يالسه في الصاله ويت اخت ريلي ويلسنا سوالف ويت اخت ريلي الثانيه المهم تمينا طول الوقت في الصاله نشرب شاي وسوالف وتلفزيون ومجابل العيال المهم فجاه يا نسيب عمتي اللي هو ريل بنتها في الميلس المهم انا يوم دريت طبعا ماسرت الميلس لانه مالي خص فيه تمو وعقب شل حرمته وراح

وشوي ويدش ريلي الميلس عنده امه المهم انا يوم دريت انه يا سرت على طول عندهم ويلسنا سوالف وجي وانا حاسه انه ريلي متغير مظايق ويهه غير عبالي مصدع سالته قالي لا قتله ربيعك مزعلك قالي لا يبتله جاي ومابغا استغربت بس تميت ساكته

يوم ظهرنا من عندهم على طول في السياره قال اللي في خاطره قتله خير شو فيك قال امي قتلها بلاها عمتي قالي تقولي شحقه حرمتك مايت تسلم على النسيب اللي هو ريل حميتي قتله امك قالت جي قال هي عاد هو حليله روحه عصب لانه من الاساس ظهرنا من البيت بسبة هالسوالف والمشاكل حرمتك وحرمتك رد عليها وقال اصلا حرمتي تستحي من اخوي والحمو موت وتسلم وتروح يعني بتي تسلم على نسيب ؟؟ وهم على فكره عادي عندهم الحريم يقعدون مع رياييل واختلاط وجي بس انا لا يوم حد غريب موجود ماقعد الحين انا غلطانه !!

ليش مب ملزومه اذا كانت يالسه ودخل عليكم هي بتسلم وبتظهر لكن حرمتي في الصاله والريال في الميلس تي تسلم عليه ليش ؟

انا من كثر ما تعودت على نغزات عمتي قتله هدي اعصابك ماصار شي وانته تعرف امك تحب تنغز قال هاي اول مره احسها صدق مصختها وريلي ولدها العود يعني يوم يعصب محد ايي صوبه

والله كنت عاديه بس يوم يلست افكر قلت ليش جي تعاملني والله ظهرنا من البيت بسبه هالسوالف والحل يعني

بنات الحين ابا اعرف انا غلطانه ولا ام ريلي ؟؟

كونو صريحين مابزعل من حد ^_^