نقص الماي ف التاسع و الولاده المبكرة 2024.

خواتي الغالياات مثل ما تشوفون ف العنوان

صحيح اني ازعجتكم بمواضيعي و استفساراتي بس ما شالله عليكن ما تقصرن
لو رد بسيط منكم له معنى كبير عندي

الاسبوع الي طاف كان عندي موعد ع الاثنين و صورت الدكتورة و قالت الماي نااقص
بصراحه خفت ما عرفت شو معناته او له ضرر او لا
و عطتني موعد تصوير دقيق عشان نتأكد
و الخميس سويت التصوير و طلعت النتيجه انه معدل الماي 7
يعني مثل ما فهمت من الدكتورة انه المعدل الطبيعي لازم من 6 لين 18
و عندي طالع لا هوو ناقص عن الحد و لا زايد بكفايه…. بالمعنى انه لازم انتبه اكثر
و بصراحه انا اقوللها احس الماي ينزل علي بس مب بزياااده

و رجعت عطتني موعد الخميس الياي عشان تشوف اذا نقص او لا

بس الي خرعني اكثر قالت لو نااقص وايد عطوول بحولج و نعطيج طلق

ولله اخترعت رجعت اصيييح ما اعرف شو السالفه و هذا حملي الاول

بصراحه بيني و بينكم خفت من موضوع الولالالاده خخخ عبالي بخليه ف بطني ع طوول

فديتكم يا ليت الي عندها خبره تعلمني و صح يقولون الطلق الصناعي يعذب اكثر و لا بس كلالام؟؟

تسلمووون خواااتي ولله ينولكم الي ف باااالكم يااااااارب

اختي لا تقليقين طالما فالتاسع عادي تولدين في اي يوم و الكل لازم اول ولادة تاخذين طلق صناعي ويا الطبيعي لان اول ولادة بيتكون طلفها خفيف بس لا تفكرين فالموضوع اتركي امرج لله وحدة و نعم الوكيل
و ان شاء خير و طمينا عليج و على البيبي

والله ما عندي خبره
بس انا امس كانت عندي مراجعه وقالتلي الماي نااقص 9 وقالتلي المفروض 16 وطالع ومن وقتها وأنا أحااتي
الله يسهل علينا ان شااء الله

حبيبتي الطلق الصناعي يوجع و الطبيعي يوجع كل الولادة مؤلمة بس سبحان الله ساعة الولادة منسية بدليل ان كل ام بس ابنها يكون 6 شهور ولا سنة و عاوزة تحمل ثاني و تنسى العذاب اللى شافته في الحمل و الولادة بس عاطفة الامومة اقوى من الالم

سبحان الله

هلا اختي . نفس اللي صاير معاج الحين انا صار لي في حملي الاول وبالشهر التاسع قالوا لي ان الماي ناقص وفي الاسبوع 38 عطوني طلق صناعي …… بس انا ما كنت خايفة من الطلق وايد لاني ما اعرف شو السالفة . والحمدلله ولادتي كانت سهلة ……..

بس انا قرات مرة انه ماي زمزم هو اقرب ماي للماي اللي حول الجنين …….

لا تخافين اختي وتوكلي على الله بس لا تنسين الدعاء لنفسج ولغيرج

مدام انج بالاسبوع 37 ما تعتبر ولاده مبكره ابد
وعن الطلق الصناعي هو نفسه نفس الطبيعي بس الفرق ان الصناااعي ايييج كله ورا بعض بسرعه بسرعه ويسرع الولاده

تسلموووون خواااتي ع الردووود بصراااحه اثلجتوا قلبي

بس بغيت اسأل وزن البيبي له تأثير ع الولالالاده

يعني لو كان حجمه كبير يسهل الولاده او العكس صحيح؟؟