هل تتغير اوقات الدورة بعد الزواج 2024.

السلام عليكم
ابغي منكم تساعدوني خواتي المتزوجات
انا تزوجت من اربع شهور وكانت دورتي في الشهرين الاولين عادية تييني في وقتها المضبوط لكن في رمضان ياتني وخلص وقتها ومرت 7 ايام ونزل علي دم مدة يومين يشبه دم الدورة لكنه قطع

وهالشهر حملت ولكن الله ما اراد و سقطت وياتني الدورة والحين خلصت من 8 ايام يعني انا الحين في فترة الاباضة ونزل علي دم انصدمت منه ويجيني بوجع شديد في بطني
دخت شو اسوي لا هو وقت الدورة ولا شي
ابغي اسير عند دكتورة لكن سرت المرة الي طافت قالت لي ما فيك شي

اخاف اسير تقولي نفس الشي وانا وايد مستغربة طول عمري دورتي عادية ومنتظمة لله الحمد
فهل الامر عادي والي تعرف دكتورة نساء زينة بالشارجة او عجمان تخبرني عنها جزاكم الله خير
لاني ابغي اصير ام صحيح توني متزوجة لكن اتمنى من الله يرزقني اطفال صالحين
وضايقتني نزول الدم في فترة الاباضة

والله في الشارجة وعيمان ماعرف

بس حبيت ادعيلج الله يرزقج ذرية صالحة عاجل غير اجل

والله في الشارجة وعيمان ماعرف

بس حبيت ادعيلج الله يرزقج ذرية صالحة عاجل غير اجل >>>> امين

حبيبتي لازم تروحين المستشفى على الاقل تطمنين وان شاء الله مافيج شئ علشان ماتوسوسين وخاصه انج تبين تحملين والله يرزقج بذريه الصالحه ويرزقني ومايحرم حد في خاطره بيبي … ودعولي صارلي 5 سنوات نفسي بياهل يملي حياتي وبيتي المهجور بضحكته وهمسه وكلامه يارب يارب لاتذرني فردا وانت خير الوارثين

انا عن نفسي ماتغيرت والحمدلله
بس هالشيء يختلف من حرمة لحرمه
وفي حريم من يعرسن تطلخبط الدوره عندهن
نصيحه سيري المستشفى عسب ينظمون لج الدوره
وربي يرزقج ويرزقني الذريه الصالحه عاجل غير اجل

اللهم امين يارب
الله يفرحكن جميعا بالذرية الصالحة
بسير المستشفى اليوم وبسوي حجامة بعد على الغدة النخامية والمبايض

وايد نفسيتي متوترة وهذا يزيد حالتي سوء عفاكن الله