بنات ابي رايكم فهالمشكله ولو وحده مكان هالبنيه شو ممكن تسوي وتتصرف
يابنات والله حرام ربيعيتي عندها اخو وااااااااااااايد طيب وع نياته وقلبه ابيض بس للأسف كله للناس مب لأهله اللي ربوه وتعبوه عليه والله حررام يوم اخوج يحس انج تكرهينه او ماتتمنيله الخير او اهل البيت بشكل عام وخاصه الام والله قهرررر الله يسامح حريم الاخوان وكل وحده تفكر تفرق بين ريله وهله ربيعتي ماعندها غير ثلاث اخوان اثنين خلاص غاسله ايدها منهم وهي اهلها وماعندهم غير الدعاء لهم بس الاخو الثالث تراه وااايد زين ويعطي بدون حساب بس للناس واذا بيعطيها او يعطي خواتها يتم يتمنن عليهم وللأسف امها مايذكرها بشي ابد ولايرمسها بأسلوب عدل ولو رمسته كله يتهاوش وياها كنها عدوته ويقولهم انتو تكرهوني وماتحبوني وكله تبون بيزات بس بنات والله حرام الحين عايش بروحه ويا مرته وعياله والبنات بروحهم ويا امهم وابوهم وابوهم كبير فالسن وتعبان وااايد ولازم حد يجابله 24 و يهتم فيه وربيعتي وخواتها مايقصرون بس القهر يوم يتم يسأل عن الاولاد وخاصه هذا الولد اكيد مهما كان الوالدين يوم يشوفون عيالهم حوليهم وخاصه الاولاد يستانسون واايد
بنات والله ربيعتي دقتلي مضايقه وتصيح واايد قالت انا تعبت من هالحاله لايسألون ولاشي ولاكنه عندهم اهل خلاص عرسوا ونسوا امهم وابوهم نحن مب لازم يسألون عنا ولايعطونا ولايظهرونا مكان عادي تعودنا هالحال والله يعوضنا بس امهم وابوهم حرااام والله قلتلها ماعليه ادعيلهم بالهدايه والله بيهديهم بس بصرااااحه قهر ربيعتي وخواتها من النوع اللي مايظهرون مكان لا اعراس ولا عند ربيعاتهم بسبة اخوانهم ع قولتها محد فاضي يودينا بس حق حريمهم يفظون تخيلوا لو تبى تقضي مشاويرها الضروريه او تسير مستشفى موعد لابوها او امها تخيلوا انتوا يسيرون في تاكسي!!!!!!!!!!! والله حرام هي بعدها تدرس وخواتها اصغر عنها واهلها معتمدين عليها في كل صغيره وكبيره فالبيت محد يلومهم بصراحه ماعندهم غيرها خلاص عادينها هي ريال البيت
والله اني مضايقه عليها واااايد انا ادعيلها وادعي لاخوانها بس مهما كان قهر صراحه الوحده تتمنى يكون عندها خوان يكونون عزوتهم وسندهم وهاييل الله يكون في عونهم
بس انا استغرب من الحريم اللي وحده تمووت عسب تعرس ويوم تعرس لاتحشم اهل ريلها وتخلي ريلها ضد اهله بس تباه حقها وحق اهلها والله حرام عليهم عندهم عيال يربونهم ويتعبون عليهم وفالاخير بيسولها مثل ماتسوي حق اهل ريلها وعيالها بيكبرون وبيعرسون بتيها وحده اخس والعن منها بتراويها الويل (الاغلبيه) ماعمم عسب محد يقولي ليش وماعرف شوو؟؟!!!ترضين اتيي وحده وتعامل امج او خواتج شرات معاملتج؟؟!!!!!!!!
اعرف اني تكلمت واايد بس والله من الغصه اللي فيني من معظم شبابنا وع حال ربيعتي واهلها
بنات لو قدر الله وكنتوا في مكان ربيعتي كيف بتتصرفون ؟؟؟
عطوني حل ربيعتي هي تقول الحمدالله انا مستانسه اني اخدم امي وابوي واساعدهم بس في نفس الوقت تعبت من خواني لايساعدون ولايسألون وكله كلامهم وصخ ويسبونها هي وخواتها اتعرفون ليش بس عسب لو قالت كلمه الحق حقهم وعلى فكره نسيت نقطه صج تقهر وواااايد يوم الناس ايون يرمسون الاولاد يقولهم ليش جي خواتكم يسيرون في تكاسي وينكم عنهم اييون ويضاربون خواتهم اتخيلواا!!!!!!!!!!!!!
دعواتكم حق ربيعتي ولاخوانها
اختي الغالية ,, هذا المشكل مب منهم ,, من حرمة أخوهم ,,
الانسان يقدر يغير نفسه , بس مايقدر يغر الناس إلا اذا كانت عندهم رغبة في التغيير
خلهم يلجؤون لرب العالمين ويدعون لهم بالهداية ,, خاصة امهم لإن دعوة الام مستجابة
ويعاملوهم باللتي هي أحسن ,, وان شاء الله رب العالمين بيجزيهم خير
وربي يعينهم على مصابهم ويحنن قلب اخوانها عليهم 
وحسبي الله عاللي كان السبب فالمشاكل كلها
قوليلها إن الله مع الصابرين … وأخوانها بيييهم اليوم اللي يندمون علييه وبيستوي فيهم نفس الشي
وقوليلها هونيها وتهوون وعند ربج ما يضيع شي ….
والله إيسر أمورهم كلها يارب ويوفقهم بالدنيا والآخره
المشاركة الأصلية كتبت بواسطة bellegirl 
اختي الغالية ,, هذا المشكل مب منهم ,, من حرمة أخوهم ,,
الانسان يقدر يغير نفسه , بس مايقدر يغر الناس إلا اذا كانت عندهم رغبة في التغيير
خلهم يلجؤون لرب العالمين ويدعون لهم بالهداية ,, خاصة امهم لإن دعوة الام مستجابة
ويعاملوهم باللتي هي أحسن ,, وان شاء الله رب العالمين بيجزيهم خير
وربي يعينهم على مصابهم ويحنن قلب اخوانها عليهم
هم مايقصرون بالدعاء ومالهم غير الدعاء
وحسبي الله عاللي كان السبب فالمشاكل كلها
مشكوره اختي وتسلمين