طبعا بنات ، انا استفدت من كلامكم ، وبديت شوي احس اني وااعيه وافهم الامور وما اكون غاافلـــه
هذا الجزء الأول للي ما كان يعرف السالفه
https://forum.uaewomen.net/showthread.php?t=887646
صار كلامي وياه الحين من وراا خاطري
بصرااحه احيانا يتم يسولف ويضحك ويتدلع ، وانا احس اني مب مهتمه لكلامه وكارهتنه ، وارمسه من ورا خاطري
احســه استغلالي
امس قااالي ابغي رصيد محتاج ضروري
وانا الغبيه قلت له اوكي ، وطرشت له بنفس الوقت !!
ما اقدر اقول لا ، يكسر خاطري واحسه محتااج ، وقلت بسااعده لأنه قال ضروري
وعقب قالي حبيبتي شكرا ، قلت له لا تشكرني
يا بنات وقسم بالل اكتب لكم واصيح
انا تاااااااااااايهه وفي دواااااااااااامه
محد حاس باللي في قلبي الا ربي
يا بنات اتمنى يكون لي ام ولا اخت اقدر افتح لها قلبي واخليها تكون معاي خطوه بخطوه
بس حكمة ربي العالمين أقوى مني ومنكم
ربي يرحمهم ..
بنات والله احســـه احيانا طيب وما شي احسن منه
ودوم ينصحني ويرمسني بأمور الدين
لكن سالفة انه يرمس بنات ، انا مب مرتاحه لهااا موووول
هو يصااارحني ويقولي لا تخلين الشك يدخل قلبج ، حتى لو تغارين مب مشكله
لكن لا تشكين عشان ما تتعبين في المستقبل
لأنه مستحيل يهد المجال اللي هو فيــه ، ووايدين بنات يرمسووونه ويعترف لي احيانا ، واحيانا يقولي ماله داعي اقولج لأنها امور تافهه
انا اسكت وما اقوول شي
وثاني نقطه بالنسبه للبيزات
ما احب جيه
احسسسسسه يستغلني ويترحاااني هبله ومغفله
والعكس صحيح والله انا فاهمه كل شي وبمزاااجي سااكته
يا بنات لا ليلي ليل ولا نهاري نهار
خاطري احط النقط ع الحروووف وارتااااح
انا حتى درااسة مب قادره ادرس والله
قولولي دخيلكم ، كيف اصااارحه
انا ماا اباه يزعل ولا يتضاايج ولا يعصب
لأنه من النوع العصبي واللي يمل بسرعه ويقفط
قوليلي ، كيف اواجهه وارتااااح
بليز باسلوووب حلو الله يخليكم
ابا ارمسه بأسلوب حلو وارتااااح وافتك
ودوم يوم يرمسني يقولي باخذ عليج 4 ويتم يضحك ، اونه يسولف
وعقب يقولي اتغشمر وياج، انا اطوفها واضحك عادي
وقفتكم ويااي الله يخليكم
طالبتنكم وربي يعلم بما في الصدور
وشوفي سلبيآته وايجآبيآته
امشي ع كلام عقلج
الله يعيينج
ونحن هني كلنآ خوآتج ^^
والريال عيب يطلب من البنت ولازم تكون نفسه عزيزة ويدبر عمره
بعضهم لو الموت مايطلبون الا وقت الحاجة الشديدة وهذا سييده حتى بطاقة الرصيد يباها منج
مايروم يطلبها من حد غيرج؟ والا انتي متكفلة فيه < سوري بس جد قهرني خخ
بسالج اذا هو جي وضعه صعب كيف خطبج؟ وباجر بيفتح بيت وغيره !
بتمين تصرفين عليه؟ كلما قال ابا ؟ قلتي هاك !
عيل ليش الله قال الرجال قوامون على النساء
لانهم يرومون يدبرون اعمارهم والمفروض هو يعطيج هب انتي
واضح انه تعود يطلب منج لازم تغيرين هالدور على طوووول
اذا طلب شي بطريقة غير مباشرة سوي روحج مافهمتي ودشي بموضوع ثاني وخليه يحل مشاكله بنفسه
ولو تغير عليج اعرفي طينته حزتها وبالاخير انتي هب مجبورة عليه
والله يسهل امورج ويوفقج
قلنالج خلاص ابتعدي عنه ,, هذا ماينفع يكون زوج لان الزوج لازم يكون ريال قد المسؤوليه وريال اتشدين فيه الظهر ويكون سندج وعضيدج ف هالدنيا , مش شحات يتشحت من الحريم ومغازلجي عود .. لا والي يقهر انه يدخل ف امور الدين عشان اتقولين وحليله هذا الداعووووق , سبحان الله يا الدنيا ناس تتفلسف ف امور الدين ولا يطبقونه
المشاركة الأصلية كتبت بواسطة خفايا خفوق 
قلنالج خلاص ابتعدي عنه ,, هذا ماينفع يكون زوج لان الزوج لازم يكون ريال قد المسؤوليه وريال اتشدين فيه الظهر ويكون سندج وعضيدج ف هالدنيا , مش شحات يتشحت من الحريم ومغازلجي عود .. لا والي يقهر انه يدخل ف امور الدين عشان اتقولين وحليله هذا الداعووووق , سبحان الله يا الدنيا ناس تتفلسف ف امور الدين ولا يطبقونه
ما قلت لج طبطبي
ع العموم شكرا لردج
وعلى عيني ورااسي
وان شاء الله بسوي اللي قلتوا لي عليه
يعطيككم الف عافيه