ازيكو ؟
هذي آخر تطورات في موضوع البنية
وهذا موضوعها
https://forum.uaewomen.net/showthread.php?t=476844
هي البنت مقتنعة انه الجمال مب كل شي والريال أفعال وأحسن لو ما يكون الريال وايد جميل عشان المغازل وغيره والجمال أحلى يكون للبنت وطبعا شافت كلامهم وعيبها واقنعها وايد
بس حليلها كلام أهلها مأثرفيها ومخلي نفسيتها داون مو بس ابوها بعد خواتها
إلي اتقول لا توافقين عليهم
وإلي تقول الولد ماحلو واهله ما حلوين وعيالج بيطلعون ماحلوين والبنات عقب ما بيعرسن ومن هالكلام
وحتى الأب يرمس جي يخاف على عيالها يعني هو نص نص في اقتناع
ابو البنت لحد ألحين يشاورها اذا تباهم ولا لانه ألحين البداية صح وافقو عليهم بس الملجة غير عن الخطبة وخاصة الملجة فيها طلاق وتعرفون ما يبا يشبك ويا الناس وعقب يطلقون فأحسن من ألحين يلحقون
فهي محتارة ومب عارفة كيف يعني من ألحين أهلها يوقلون مو حلو
وهي ما تبا تظلم الريال وهو ما مقصر فيها وهي متأكدة انه يحبها وافعاله تدل على ذلك وهي اتخاف تندم عقب واتخاف الله ينقمها
والله غامضتني لا تلومنها وهي في هالموقف حساس ما عارفه شو اتسوي
وعلى فكرة هي جميل ووايدين يشهدون على هشي بس ما ملكة جمال يعني تقدرون اتقولون 80% وهي تتعب من سالفة الخطبة لانه كذا حد خطبها وخاصة يوم ايو الحريم يشوفنها وتعرفون عوار الراس والمشاورة وكل هذا التعذيب ترفض فهي تتعب كل ماحد خطبها ترفض هم ما يخطبونها رسمي يعني يوم الحريم يشوفنها فيتريون منها فترفض وكل إلي يخطوبنها ما ترتاحلهم إلا هذا عادي ارتاحتله وهي كم مرة صلت الاستخارة وتقرا الادعية مال استخارة
وهي توها بدش 20 سنة
المهم هي أحلى عنه و حتى اهلها حلوين ماشاء الله عليهم
شو اتسوي تعبت من هالموضوع ؟ هي اتفكر مرات برفض
وفي ملاحظة بغيت أقولها : وايد لاحظت بنات يفكرن بوسامة زوج المستقبل ومع الاخلاق لا تقولون لا لأسباب كثيرة عشان العيال وإلى مالا نهاية
الله يعينها والله
الرجال أفعااااال والريال ما يعيبه شي …. قوليلها دامه زين توافق عليه وما عليها من هالرمسه ….
والله لو أقرع وويهه مخبق بس بيحشمها تاخذه وتتوكل على الله شو بتستفيد من الجمال إذا كان وقح …
لو تعرفون أن الحب لا يعترف بالأشكال وأن الشخص ينحب من شخصه وقلبه وهذا كله ينعكس على وجهه فيصبح جميل
ومن متى صار الريال ينقاس على جماله
خلها تستخير وما عليها من كلامهم
انا من راى يا اختى انها تشوف وحده تفكيرها موزون في العيله وتناقشها في الى بخاطرها من ناحية المشكله ومع الاستخاره ان شاء الله الامور بتسير الى الى الله رايدنه يا بالزفض يا بالموافقه والله يكتب لها بالخير ان شاء الله
والله كريم لين يكبرون عيالها
يعني مثلا الناس الخسوف عوانس والحلوين يعرسن
لا طبعا
كل بأمر ربها
انا ربيعتي وااااااااااااااااااااااااااااااااااااايد جميله بمعنى الكلمه
حتا ماقولي مواطنه وحبت واحد اسمر واتزوجته
والله عيالها كلهم بيض واحلا عن لأم
حتا مستغربين بعض اهلها قالو سبحان الله للحين محد طلع اسمر شرات ريلج
ليش لان الله رايد يعني هيه خذته لجل راحتها وقلبها مب لناس وهلها
والناس هالزمن ماتعجبها العجب