آرائكم تهمنا أفيدونا بخبراتكم يالخبيرات 2024.

بنات ومتزوجات..أحب أسمع آراء الجميع
لأنها تهمني وتهم فئه كبيره من البنات..

إذا تقدم لج شاب على دين وخلق..
وإنتي تدرسين سنه ثانيه(طالبه جامعيه)

والشاب يبغي يتزوج وما بيصبر..
هل ترفضينه؟؟
أو تتزوجين وتتركين الدراسه؟؟

وبصراحه،،صعب الجمع بين الإثنين..
بسبب الحمل،،وواجبات الزواج وحقوق الزوج..

مع العلم أن الزوج ليس مهتم بالمستوى الدراسي
عطوني آرائكم..ومنها أستفيد..وتعم الفايده للجميع

مممممم مستحيل اودر الدراسه .. الريل ما بينفعني عقب .. << هذا اولا

ثاني شي استخيري .. وفكري عدل .. على الاقل كملي ويوم بتحسين عمرج ماترومين تكملين وقفي كورس وعقب ردي كملي دراسه

لا الله الا الله00حبوبة واايدات تركن الدرااسه اول العرس

وردن للدرااسه بعد كم سنه00مب مشكله الدرااسه دام ان الرياال ماا عليه كلام

المهم الاستخااره ولاااحقه ع الدرااسه في المستقبل

الله ايسر الامور ^-^

والله في آرآء وآيده الصراحه ..

يعني الدراسه يمكن اتخلصينها و اتمين عقب التخرج بطاليه ( مآ يقبلونج أو يطولون ف القبول و غيره )
و تطفرين !

و الزوآج ( ستر للبنت ) و ثآني شئ لآزم البنت تستغل هالشي إذا ياها نصيبها
لأن في هالزمن قلو الريآييل وخصه ( الزينين )
هاي وجهة نظري !

وكل وحده و تفكيرها ^^

مممممممم

انا شراتج بالضبط بس الحمدالله اموري طيبه اولا كنت اقول لريلي اجل موضوع الحمل

بس مصر يبي بيبي من البدايه يقووول عادي عمتج بتشووفه لين ترجعيت من الجامعه كلها كم ساعه ^,^

وهو الحمدالله يبيني ادرس واخلص واخذ الشهاده الجامعيه ان شاء الله

احسن اصلين الاستخاره وخلي التيسير على رب العالمين…وبعدين بقولج بنات هم فاماره وازواجهم وعيالهم فاماره وماشاءالله لاقوة الابالله درجات عاليه وبين كل سنتين اوسنه ونص حمل ماشاءالله لاقوة الابالله ..يعني الي يبا الصلاة ماتفوته..والله يوفقج ان شاءالله.

اختي مب كل يووم ايي ريال زين ..
و الدراسه تروومين تكملينهاا .. توقفين و تكملين لين ما تتخرجين ..
حااولي عقب ترتبين وقت الحمل ايي ويا الاجازه و جي ..
و اهم شي الاستخااره و انتي مرتااحه و لا لأ