الدين..الأخلاق..الكرامة..الشهامة…العربية..الدم واحد..الوطن واحد..التقاليد والعادات وحدة..
شو بقى..يمكن تتساءلون ليش انا اكتب هالكلام..وانا متأكده انه فيكم من بيعارضني ومن يمكن يأيدني..
بس بسأل كم وحده متزوجه رجل حر والحريه مب معناتها بعيد عن القيود..اقصد حرية اللون والدم..
يعني رجل ابيض هل اللي متزوجه رجل ابيض تعيش ملكه او اميره وهل من تزوجت برجل اسود
تعيش عبده منبوذه ام ماذا ودي افهم ..كلمتني وحده من صديقاتي وهي متألمه لأن والدها رفض
رجل شهم خلوق متدين فقط لأن والده غير حر يعني والده بلهجتنا العاميه..( له عرق خوال)
شو يعني بصراحه انا مستغربه يوم الام تقول للبنت الريال ابوه مب حر..اذا تفكيرنا جي هالزمن عيل على الدنيا السلام..
سبحان الله..بس بصراحه لو الريال مايعيبه شي واهله بعد طيبين وانا اعرفهم عدل واعرف الريال
ماعليه كلام ويصلي ويعرف ربه وهذا اللي مطلوب الحين يعرف ربه عشان يعامل زوجته بما يرضي
الله…بس مانقول غير لا حول ولا قوة الا بالله…سامحوني انا منفعله ولا اعرف شو اقول وسامحوني اذا لخبطت في الكلام لانه مخي مشوش ومستغربه ..
الله يوووووووووووفق الجميييع
وانا الحمدلله ماعندي هالتفرقه العنصريه كلنا اخواان بس تعرفين تفكير الكباار كيف وهني المشكله
…..
ويكفي بلال نقول سيدنا بلال..بس يختي مهما تتطورنا يتم هالتفكير هو السائد بين الاهل خصوصا يقولج هيه مافي فرق وكلنا اخوان لكن مانتزوجهم..
الله يهدي امتنا
شكلج منفعلة وااايد
المهم شوفي حبيبتي,,,
مافي فرق بين الحر والخال,,, انا وياج في هالشي,,,
بس في عادات وتقاليد تحكمنا يالغالية.. والناس ما اتخلي الواحد في حاله,,,
الحين انتي يوم اتسيرين السوق ولا اي مكان واتشوفين واحد اسود ماخذ وحدة بيييضا ولا العكس يضربج العجب.. صح ولالا؟؟؟
انا ما انتقص من قيمة الخوال,,, لا والله .. بالعكس على عيني وعلى راسي,,
بس اتعرفين,, الناس اتفكر فالعيال,,,
يعني من وجهة نظري,, الابيض ياخذ بيضا
والخال ياخذ خاله,,,
عشان محد ايعيب على الثاني ولا حد ايعاير الثاني,,
فهمتي قصدي…
انا ما اعيب على حد والله,, بس وجهة نظر واتمنى انها وصلت,,
والسمووحة
وكلهم مرتاحين وعايشين احسن عيشة وانا ما ابالغ بصراحة
وما احب اقول عن الناس خالة او خال انا اعتبرهم سمر وكلنا اعيال ادم وحواء ونموت بنفس الكفن وتحت التراب
فالواحد يحكم مب على الشكل واللون ولكن على الاخلاق والروح الطيبة والله المستعان