السلام عليكم ورحمة الله وبركاته
مرحبا عضوات منتدى سيدات الإمارات هذا موضوع ممكن يفيدنا وقلت بكتب الأسئلة
*كيف فتحوا إخوانكم موضوع الزواج؟
*شو كانت صفات وأخلاق ومن ناحية الجمال والطول وغيرها في البنت (الزوجة) المطلوبة لدى
إخوانكم ؟
*هل كان زواج أخوانكن مبكراً أومتأخراً؟
*هل صادفتوا صعوبة في إقناع البعض من إخوانكن في موضوع الزواج ؟ وكيف فتحتوا لهم موضوع
الزواج؟
*على أي أساس إخترتوا البنت ( الزوجة )؟
*شو أهم صفات لازم تتوفر في البنت؟
*شو أهم شي جذبكم في البنت؟
*وين إخترتوا البنت في عرس أو عياده أو بيتهم أو عن طريق وسيط أو كيف؟
احس اختيار الزوجة لازم يكون على اساس معين مب اي وحدة اشوفها اقول هاي طيبة و لا هاي تنفع تكون مرت ولدي و لا مرت اخوي و في هالزمن اللي تعرفينها احسن من اللي ما تعرفينها لأن الحين حتى اللي تعرفينهم عقب العرس يظهرون على حقيقتهم، بالنسبة لإخواني الصراحة احس الاختيار كان غلط أو احنا ما عرفنا نختار وحليلنا طيبات اللي نشوفها نقول هاي طيبة مع ان مختارين لأخوي الكبير اخت وحدة من ربيعاتنا اللي كنا مثل الخوات بس عقب ما خذوا اخوي الحين من اكثر من خمسة عشر سنة ما طاحوا بيتنا و لا يزورونا و لا يسألون عن امي أبداً و قلنا ما بنكرر الغلطة وياه اخوي الثاني و خطبناله عن طريق الخطابة، بعد طلعت خقاقة و شايفة عمرها مع انهم من عائلة بسيطة و مستواهم الاجتماعي عادي جداً و سوت مشاكل و طلقها أخوي و الحين اخوي الثالث عمره فوق الثلاثين ما يبا يعرس كل مرة نبا نخطبله يقولنا بعدني، مسكين اتعقد الريال
أهم شي عندهم ..والحجاب الشرعي ..~
أما الطول والناحية الجمالية مب مهم
ماشاءالله عليهم ربي يحفظهم ..~
اقوله هوشوبخااطري..لوعندة شرووط معينه…
وغيير جييه البنت الملتزمة الخلووقة ..
والسموحة بعدنا ما زوجنا الذكور الي عندنا ^^
بس أكيد بنبدأ بالإنسانة الي تتقي الله