أنا أول مره أشاارك و ياكم لأني أبي راايكم و مسااعدتكم و أعرف انكن ما رااح تقصرن و ياي
أبيكن تقولووون لي أحسن المحلات يلي تبيع المكيااج
و بالأخص الشدوهااات
و أبي راايكم فمكياااج (( محل كاركتير )) << يلي دوم نشووفه فالأعلاناات
بليززز لا تردووني و ردن ع موضوعي
لأن أبي أشتر مكيااج حق زهبتي
و أبي نصحاايحكن
لأن صج ما أعرف شسووي
والله اختي انا انصحش بماركة ماك .. و MAKE UP 4 Ever و INGLOT الصراحة الوانهم روعة … خصوصا الشدوهات والأرواج … حتى البلاشر والإضاءة عندهم حلوات
اما بالنسبة لمكيارج كاركتر الصراحه ماجربته فما اقدر افيديش … واسمحيلي الغالية
1-البيس قبل وضع الاساس (ستروب كريم من ماك )
2-الفانديشن الاساس والبودرة عندج ماركة جيرلان الذهبيه دينفورا روعه شويه عليها للمناسبات تعطي تغطيه روعه ومخمليه
الفانديشن والبودره للاستعمال اليومي عندج ماركة ماك تعطي تغطيه طبيعيه وحلوه
3-الشادوهات احلى شي من ماك وفورايفر
4-كونسيلر عندج من ماك وايف سالوران القلم روعه تغطيتهم لحول العين والستيك كونسيلر من كريولاين
5-الكحل عندج من ماك الكحل الكريمي وعندج بعد جافنشي كحلهم روعه
6-الاي لاينر خذي الكيك لاينر من ماركة كريولاين من كاركتر روعه لرسم العين وبعد عندج من ماركة بن ناي الكيك لاينر
7-الماسكرا ايف سان لوران – ديور-لانكوم
8-البلاشر عندج ماركة بنيفت من فيسز واريج هالماركة البلاشر حقها روعه وخاصه الوردي والمشمشي ووعندج في جافنشي روعه وبعد جيرلاين وماك البلاشر عندهم روعه
9-الاضاءات (جيرلان اضاءه حلوه -اضاءه ماك – ديور الاضاءه الورديه -جافنشي
10-واخر شي الفكس (مثبت المكياج عندج في من ماك وفور ايفر )
واتمنى اني افدتج وادعي لي
ماركة مكياجي وماركة نوبا
واختي شو الاضاءه شو قصدج فيها ما فهمت ؟
حبيبتي.. أنا ويا الإخت (ام الورد) في خصوص المشتريات للميكاب.. :22 (24):
نصيحتي لج عمري.. لا تتشرين وايد،، وإشتري أساسيات المكياج يعني إلي بتحتاجينه ونوعي في الماركات
مثل إلي ذكرتهن الأخت أم الورد .. وأضيف عليهن ماركات Nouba & Nars
وايد حلو الشدوهات والفاوونديشن من عنهم.. حتى الأي لاينه والمسكره..
وبخصوص… شركة كركتر.. أنا متشريه من عندهم مجموعه كبيره أكثر من سنتين ولين ألحينه ماأستخدمت حتى نصهن.. شو أسوي.. أحب المكياج.. بس أكتشفت إنه فيه ماركات أحلى منها..
الماركه إلي كنت شارتنها هي Ben Nye وعيبتني ألوان الشدوهات..
بس أحس الماركات الثانيه.. مثل Mac, Make up forever, Nouba Nars, Krolyn
عنهم ألوان متنوعه وبعد أكثر جوده في الألوان الشدوهات.. من بن ناي..
وبالتوفيق عزيزتي.. 