حبيت اسويلكم تقرير عن مطعم لافيتا
من فتح المطعم و انا ما اسير مكان ثاني
لانه المطعم اماراتي المنشأ و انا احب اشجع الشباب الاماراتي
و عشان هو مطعم ايطالي و انا اموت في الاكل الايطالي
و انا ما شفت مطعم عندهم كل هالخيارات في "المنيو"
المكان روعة في الليل و النهار كل شي صوب و منظر البحر صوب لازم تروحون تشوفون بعيونكم
اوكي شفنا المكان الحين نشوف بعض من الاكل
اذا بتسيرون تتريقون، عندهم وايد خيارات مثل انواع اومليت و كريب و وافل
انا طلبت اومليت مكسيكي كان وايد لذيذ
و اثنين طلبو الانجليش بركفاست طبعا هذا حق الي وايد يوعان
عندكم الخيار اما مع سلطة او بطاط مقلي
شو رايكم يشهي صح
واذا حابين ممكن تطلبون سندويش حلوم لذيذ وخفيف
حق الغدا و العشاء بعد عندهم انواع مختلفة مب بس باستا و بيتزا
مثل الاستيك و الدجاج المشوي
عندهم دجاج مشوي مع صلصة البرتقال و الليمون يخبل لازم تجربونه للاسف ما عندي صورته
نحن طلبنا
بيتزا ثمار البحر لايفوتكم خفيف و لذيذ
سندويش الدجاج المشوي ممكن تغير السلطة بالبطاط المقلي بس حبينا ناكل صحي
بيتزا الببروني
اما الحلويات، عندهم تشكيلة مميزة من الكيكات و الاسكريم و الفواكه
مثل هالوافل و يا فواكه و ايسكريم ايطالي
أمممم لذيذ
مكانه داخل مبني "ندوة الثقافة و العلوم" في مدينة دبي علي شاطئ الممزر
و هاي الخارطة عشان تروحون
ان شاء الله اشوفكم هناك
وان شالله لنا زيااره قريبه..