أخيرا بعد معاناه ويهي بدا يصفى واليوم سادس يوم حقي <<<< تعالو يا أصحاب البشرة الدهنية 2024.

هلا بنوتات وحريمات
أخباركم؟؟؟ إن شاء الله بخير؟؟
وسوري ع القطاعة كانت عندي ظروف صعبة
ويقولون من طول الغيبات ياب الغنايم وأنا اليوم بيتلكم ماسك ومحلول يعالجون البشرة الدهنية ويطيرون الحبوب والمسامات الواسعه والبقع والبثور يعني باختصار يرجع ويهج بيبي فيس ^_^
وهالأشياء قريت عنهم ف النت وطبقت يزاهم الله خير البنات اللي كتبو عن هالوصفات واليوم سادس يوم حقي وما شاء الله ويهي بدا يصفى والحبوب والبقع تتقشر والمسامات صغرو والدهون والبثور يا ويلي منهم خفووووووو
أولا المحلول الكل على ما أعتقد قرا عنه وفي ناس يستخدمونه وفي ناس قرو عنه بس مستهينين فيه بس عقب ما تجربونه ما بتستغنون عنه
مكوناته:
اسكينول الشفاف <<< سعره 6 دراهم

3 حبات حبوب دلاسين قوه 300 <<< سعره 47 ونص درهم

طريقة الاستخدام:
أول شي نفتح الكبسولات الثلاث ونفضيهم ف الاسكينول الشفاف ونخليه لين يذوب وعقب نستخدمه 3 مرات ف اليوم طبعا من بعد ما تغسلين ويهج بصابونتج المفضلة أما أنا فأستخدم صابونه لايف بوي لاحظت تغيير على بشرتي من استخدمتها لأنها تقتل البكتيريا

أما الماسك هو السرر عجييييييييييب من أول استخدام بتلاحظين الفرق من ناحيه الشد والمسام والدهون والبثور <<< ترا هالماسك منظف قوي
مكوناته:
1م طعام طين مغربي<<< لتقشير البشرة وتصفيتها من الحبوب وأنا استخدمت هالماركه ولا تسألوني من وين لأنه جدييييييييم عندي من زمان الوالدة شارتنه ومحد يستخدمه فانتوا استخدمو اي طين مغربي

ربع م طعام مره مطحونه<<< تشد البشرة وتصفي البشرة وتعتبر مضاد حيوي وهي شبيه باللبان بس طبعا مختلفين المره شي واللبان شي ثاني سعر الكيس درهمين ونص على ما اعتقد

حبتين مطحونات اسبرين <<< هو مسكن للآلام بس هو مضاد حيوي قوي بـ 15 درهم

الطريقة:
تخلطين كل المكونات وتعجنينهم بماي ورد وتحطينه على ويهج يوميا لين يجف وعقب تغسلينه بماي فقط لا غير
وسوو فيشل ف البيت مره ف الاسبوع واستخدمو بعدها هالمحلول وخلوه يجف ومن بعده الماسك وبتشوفون كيف بعدها بيصير ويهكم لأن المسامات بتكون مفتوحه وبتستفيد البشرة من المحلول والماسك أكثر

جربو بنات هالأشياء الرخيصة أحسن بدل العيادات والخسر وكله ع الفاضي
وسلامتكم ^_^