حالتي تعبت
كل يوم أصلي وأدعي أن الله يفك كربتي
ويكبرني في عين ريلي ويرزقني حبه
بس أحسه هالفتره مب مهتم فيني وايد
أباه يحبني ويموووت فيني
ماباه يفكر بغيري
كيف آخذ عقله وقلبه
مع العلم بأني مخليته على راحته
دخيلكم
ساعدوني 
بس ليش اتخلينه على راحته؟؟
انتي لاتشدين عليه الحبل وااايد ولا اترخينه واايد
خليه بالوسط
والريياييل الصراحه ماينعرف لهم
الله يعينج حبيبتي ويعين الجميع
قومي بواجباتج من قلبج وع اكمل وجه
وادعي وطلبي ربج باللي تبينه
واصبري ع ريلج وصدقيني الحب ايي من العشره
والريال ما يعبر بالكلام
يعبر باشيا ثانيه
ولا اتمين تقوليله احبك عالرايحه واليايه
قوليله كلام حلو بس اثقلي يعني مب تخلينه شي تعود يسمعه منج
وصدقها الاخت اللي قالت
غلط ترخين الحبل ع الاخر
شويه تشدين وشويه ترخين
اطلبي من ربج الله يفرج كربتج
لا حول ولا قوة إلا بالله
غاليتي
راجعي نفسج
لا تخلين الريال براحتـه ,, عيل وين دورج في العلاقـة الزوجيـة
الحوار شي إيجابي أختي
كلميه وشوفي شو الي يعيبه فيك
وشو الشي الي ينفره منج لا سامح الله
شو الي يتمناه في بيته وبيستانس اذا سويتيه ^^
اهتمي بنفسج أكثر وبشكلـج وبيتج
وبه هو بالخصوص
حاولي تعرفين متطلباته وسوي الي يرضي رب العالمين
وحاولي أختي أصلحي بين علاقتج مع رب العالمين
وادعيه في جوف الليل يسخرلج ريلج ويحنن قلبه عليج
وربي يسر جميع أمورج