السلام عليكم ورحمة الله وبركاته
تحية طيبه وبعد
خواتي من قهري من الي يالس يصير حبيت اكت هالموضوع وآخذ رايكم
وابي اعرف هل كل البنات جي يعني ولا بس هذوله البنات اليهال الي افكارهم مو من عقلهم وللحين ما عندهم عقل متزن يفكرون فيه ,,, السموحه على التشبيه بس بصراحه اناا اعتبر المواقف الي بذكرهاا جي ,,خلوني اطلع حرتي واقول لكم
بنات ترضون بأن أسراركم الزوجة الي تصير في غرفتج انتي وريلج سمحو لي على الجرئه بنات بس اناا والله مليت ومت قهر من الي قاعد يصير ,, على العموم ترضين اختي بأن طريقة الـجـ .. الي تصير معاج انتي وريلج كل من هب ودب يسمع فيهاا ويعلق عليهاا ويعلق عليج وعلى ريلج ويقول عنج انج قليلة أدب ومافيج عقل وانج ياااهل وغبيه ,,؟؟؟ السموحه على السؤال
الي خلاني ايي اقول لكم هالسؤال هو
في وحده من البنات عرست يمكن قريب يت وقالت لربيعتهاا عن بعض الأشياء الي تصير في الغرفة مع زوجهاا تعتقدون انه هالشي صح ولا غلط انزين وغير هالشي بعد ما قالت لربيعتهاا تيي ربعتهاا وتنقل خبرهاا لأي وحده تعرفهاا تسولف معاها تخيلوا يعني صارت سالفتها علج في حلوج كل من هب ودب وكل وحده تعلق بشكل وحده تقول قليلة أدب انهاا قالت لربيعتها ووحده تقول انهاا ما تربت ووحده تقول ياهل ومافيهاا عقل
والبعض منكم بيقول لا يمكن بس البنت ماعندهاا احد تسولف له عن هالموضوع
لييييييييييييش ليييييييش اصلاً تسولف لهم عن هالشي هالشي بينهاا وبين ريلهاا وبس
ما يحق لربيعتهاا ولا اي احد يعرف فيه
بتقولون تبي تتعلم طرق وما ادري شووو بقول لكم في مليووووون طريقة تعرف فيهاا وتتعلم والنت ما قصر فيه كل شي ويعلم كل شي ليش تقول الي يصير بينهاا وبين غرفتهاا للناس وتصير سمعتهاا في حلج كل وحده ..,,
والقهر يعني الي أمنت عليهاا ما فيها ذرة احترام تروح وتقول لباقي ربيعااتها وباقي الي تعرفهم عن البنت والللللللله عيييييييييب عيييييييب وقهر صج ماشي حيه ولا مستحيه مووووووووووليه
لااا والقهر في بنات يفشلون اعمارهم ويقولون اشياء تخلي سمعتهم النااس تشك فيهاا
تخيلوا وحده تقول لربيعتهاا اناا اول يوم دخله لمن …………. ( انتوا ادرى بالي اقصده ) لمن صار هالشي ما نزل …………. ( انتوا ادرى يالمتزوجات …. ) تخيلو تقول لهاا ما نزل وبعدين ريلي يشك فيني وياخذني للمستشفى ويفحصني تيي هالحرمة تقول ربيعتهاا وربيعتهاا ما تقصر تقول لربيعتهاا وهذي تقول لهذي وهذي تقول لهذيك وتصير سالفتهاا علج في حلوجهم والبعض يقول اكيييييد وتبدأ السمعه والشرف تنزل في الأرض
تعتقدون هالشي مرضي
يرضي ربكم بالأساس
والله زمن مافيه الا قلة الأدب
صار كل وحده تيلس عن الثانية تقول لهاا ريلي يسوي جي وجي وريلي يطلب مني اسوي له جي وجي وريلي يبيني البس مدري كيف ومدري شوووو
شو تعتقدون هالشي حلو وعادي ولا لا
ابي نقاشات من حريم متزوجات ولو بنات على الأقل اسمع واقرأ آراء الكل واشوف الزمن لوين وصل
وهل انه الكل جي ولا البعض
اعتذر لكل الحريم الطيبات المحترمات واعتذر من الكل على الموضوع الجاامد
سامحوني بس قهرتني هالبنت قهر ما اتخيله
ابداً ابداً ابداً
من جي ييت وفضفتت لكم
حتى شرعا ما يجوز اصلا
مهما كان الوحده اسرار غرفة النوم ما تطلع خارجها
مااااقووول غير الله يهدي هالبنات الي جذييييييييه..
وشكراا حبيبتي طرحج للموضوووع…
عشان تنصحين الغيررررر بعد…
اناا متاكده انه غلط واكبر غلط وعييييييييييب بعد
ولااا المشكله انه بعضهم يقولون انه يطلب مني الشي الفلاني يعني الطريقة الفلانية ………… انتوا
ادرى بألي اقصده ……………….
صج والله انا اشوفهاا وقاحه وقلة أدب ومافي لا حيه ولا مستحية مو لهذي الدرجه يعني
تحل الموضوع مع ريلهاا وماتيلس تقول لهذي وهذي وتتشكى لهذي وهذي ومدري شو
صج انهم حريم يهاال وبدون عقل وااعي
فعلااا شي بنات ما تعي حرمة هالشي و ان ما يجوز فشرعنا اولا الكلام بالامور الخاصة بين الزوجين..
يقول النبي صلى الله عليه وسلم : ( إن من شر الناس منزلة عند الله يوم القيامة الرجل يفضي إلى امرأته وتفضي إليه ثم ينشر سرها ).
وعن أسماء بنت يزيد أنها كانت عند النبي صلى الله عليه وسلم والرجال والنساء قعود ، فقال : ( لعل رجلا يقول ما يفعل بأهله ، ولعل امرأة تخبر بما فعلت مع زوجها ؟! ) فأرّم القوم – أي : سكتوا ولم يجيبوا – ، فقلت : إي والله يا رسول الله ! إنهن ليفعلن ، وإنهم ليفعلون . قال : ( فلا تفعلوا ، فإنما ذلك مثل شيطان لقي شيطانة في طريق فغشيها والناس ينظرون )
هالامور ما تنقال و المفروض الانسان يكون امييين ع أسرار غيرة اوقات الواحد يبا نصيحة بس للأسف يختار الناس الغلط…