أسماء البنوتات الحلوات 2024.

السلام عليكن
شحالكن خـواتي الغاليات؟ عساكن بخير وبصحة وعافية!!

والله الغاليات بغيت أطلب منكن خدمة صغيرة لأني حامل وبربي إن شاء الله في 14/02 وما باجي شي (ادعولي الله يسهل علي وعلى كل حامل آمين) أدري بس المشكلة مب هني!! المشكلة إني بعدني ما اخترت اسم بنوتي حلو حق النونو ومحتارة في الأسامي وايد، حدرت كمن سايت متخصص في أسامي البنات بس ما عيبني شي!! فيا ريت لو تقدرن تساعدوني وتحطولي وتختارولي بعض الأسامي اللي معانيهن حلوة وزينة وتكون شوي غريبة..

ومشكورات مسبقاً على المساعدة..
ودمتم بحفظ المولى – عزوجل –

اهلين اختي نور
الصراحة أنا بعد شراتك أدور أسامي بنوتات حلوة وخفيفة

حور – ظبيه – شما – شهد – شذى – لمياء – لبنى

^_^

وان شاء الله تربين بالسلامه وتخبرينا شو بتسمين الحلوووه

الله يسهل عليج ويقومج بالسلامه …. أهم شي لا تسميها اسم يخليها تضايق منه يوم تكبر ….
عندج وايد اسماء حلوه …
نوره ..هند … ميثا… ريم …. ورود … الجوري … سلامه ..روضه
والله يبارك لج … وياليت تدعيلي الله يرزقني بنية لأن ماعندي غير أولاد …….

احناباذن الله بنسميها ضي .. ابوها يبى جيه .. شو اسوي .. مع انه مب لين هناك الاسم .. بس انا كان بخاطري الجوري / العنود / الريم .. اسامي لها وقع خاص ..