أنا انولدت وشعري كان غليظ وماعندي فراغات أبدا.. لين الإعدادية… وبعدين راح… وتم سنوات طويلة خفيف… بس ألحين الصلع اللي في راسي وايد فظيع… مقدمة الرأس فروتي كلها تبين… وصار يزيد ياخذ مساحات… أنا قبل ما كنت جي.. بس ألحين صار لي هالشي.. أبي شي يعالج ويطلع لي شعري أو يرده مثل قبل عالأقل…. قبل يوم كنت أغسله كان ما يبين إن فيني صلع.. لأن شعري طبيعته مموج… بس ألحين حتى يوم أغسله وما يكون دهني يبين الصلع اللي في راسي كله.. فروة راسي أشوفها بوضوح.. نفسيتي وااااااااااايد تعبانة ومحطمة بسبة هالموضوع… للعلم أنا فيني تكيس بسبب زيادة الوزن… وأنا من سنوات عندي هالتكيس بس ألحين المشكلة واااااايد زادت… لأن اللي أعرفه إن التكيس يسبب تساقط الشعر.. بس بعد شعري قبل كان شوي أحسن…
بنات قولولي.. هل الميزوثيرابي بيغلظ لي شعري؟؟؟ ولا شو أستخدم؟؟ وايد أشياء استخدمت عشان يطلع لي شعري… حتى رحت عند أخصائي الجلدية في مستشفى خليفة وعطاني كريم وقالي إن كلللله فيج شعر من داخل بس تبين شي يحفز عشان يطلع.. استخدمت الكريم ما فادني استخدمت الصبار ما فادني استخدمت زيوت ما فادتني.. بليز بنات ساعدوني وايد نفسيتي تعبانة بسبة هالموضوع… ما أعرف شو أسوي…
قلت بجرب ميزوثيرابي… لكن أخاف أخسر وقت وجهد ومال عالفاضي…
أول خطوة تسويها تروحي لدكتورة شاطرة , تسوي لج جميع الفحوصات ,الهرمونات , فيتامين د , الحديد وغيره وتفحص لج فروة الرأس .علشان تحددي سبب المشكلة إذا كانت صحية وبعدها تحدد العلاج . الضيق النفسي والإكتئاب والقلق والتوتر يسبب تساقط الشعر بعد .فلازم تحاولي تحسني من حالتج النفسية . ولازم تهتمي بغذائج ويكون صحي تكثري فيه من الخضروات والفواكه والبروتينات وتشربي كمية كافية من الماء . وتنتبهي للطريقة الصحيحة للإهتمام والعناية بالشعر .
أول خطوة تسويها تروحي لدكتورة شاطرة , تسوي لج جميع الفحوصات ,الهرمونات , فيتامين د , الحديد وغيره وتفحص لج فروة الرأس .علشان تحددي سبب المشكلة إذا كانت صحية وبعدها تحدد العلاج . الضيق النفسي والإكتئاب والقلق والتوتر يسبب تساقط الشعر بعد .فلازم تحاولي تحسني من حالتج النفسية . ولازم تهتمي بغذائج ويكون صحي تكثري فيه من الخضروات والفواكه والبروتينات وتشربي كمية كافية من الماء . وتنتبهي للطريقة الصحيحة للإهتمام والعناية بالشعر .
عزيزتي.. أنا اشوف ان لازم تتعالجين من المشكله الأساسيه وهي التكيس.. وبعد لازم تسوين فحوصات للهرمونات والحديد والزنك وفيتامين د (يعني فحص كامل شامل).. عشان تعرفين كيف تعالجين المشكله بشكل صحيح..
وبعد ما تخلصين من العلاج ابدئي بالميزوثرابي او البلازما (والأفضل انج تستشيرين طبيبه مختصه عشان ادلج على الأحسن)
الله يكون في عونج حبيبتي..