أفضل دكتور أنف اذن وحنجرة في الشارجة 2024.

السلام عليكم ورحمة الله وبركاته
انا من فترة طويلة اعاني من الزجام وحساسية الانف وكنت اتعالج في مستشفى دبي وكله يعطوني بخاخات وحبوب بس تفيدني فترة وعقب يرجع الوضع مثل قبل.. هاي حالتي من 5 سنوات تقريبا.. طول الوقت مزجمة سواء فالشتاء والا فالصيف تعبت حتى انحرج في المناسبات والعزايم.
المهم سرت عند دكتور سوداني محمد الطاهر عالبحيرة في الشارجة وقالي انتي عندج مشكلة في اللوز ملتهبة وايد ولازم جراحة وعندي لحمية الانف هي الي تمنع التنفس بشكل جيد لاني خبرته اني ماقدر اتنفس وقت الرقاد واتنفس من حلجي وطبعا الشخير لازم ورائحة الفم.. من غير الصداع وعندي في الانف غضروف مائل يحتاج عملية تجميلية داخلية يسمونها (تقويم غضروف الانف) .. العملية ما اطول بس ساعه ولاتخافين وبترتاحين واايد وقالي بيسويها في مستشفى الزهراء. وقالي بعد لو ماسويتيها الحين فالمستقبل بتزيد المشاكل عندج من ربو آلام المفاصل والشقيقة. والحين محتارة اسوي العملية ولا اسير عند دكتور ثاني؟ بس تفاؤلت من كلامه لاني تعبت ادور العلاج من زمان
.. مدحولي بعد دكتور ثاني عالبحيرة اسمه مدحت حبيب تنصحوني اسيرله والا لا.
حاليا الدكتور محمد الطاهر عطاني ادوية وقالي هذا علاج مؤقت الين ماتردين من السفر واتوافقين عالجراحة.. ساعدوني
الله يوفقكم ويزاكم الله كل خير

استغفر آللّـَھَ العظيم

134 مشاهدات ولا رد وااحد!!!

لا اله الا انت سبحانك اني كنت من الظالمين

يزاج آللّـَھَ خير شذى الليل

‏​​​‏​​​​​‏​​​​​‏​​​‏​​​​​‏​​الحَمْدْاللـَّـہْ