هلا فيكن ..
حبيباتي .. اللي تعرف عن أفضل طريقه للحمام المغربي بالبيت تخبرني و كم عدد مرات اللي تسوي فيه حمام مغربي بالأسبوع لأفضل النتايج ,..
فديتكن تراني ما عندي حمام بخار .. حمام العادي ..
أتريا تفااعلكن …
اولا : اغسلي جسمج بصابونة الطاوؤس
ثانيا: يلسي فالبانيو ويكون الماي دافيء طبعا مدة 15-20 دقيقه
ثالثا: هاتي الدلكه المغربيه وافركيبها كامل الجسم واتركيه دقيقتين
رابعا: اغسلي الدلكه زين من الجسم ولازم بماي دافيء
خامسا وأخيرا: افركي جسمج بالليفه المغربيه الاصليه زين
ونعيما
*
عقب ادهني جسمج بصابون طاوس (بتحصلينه بكارفور) أو بالصابون المغربي ادعني زين وعقب غسليه بالماي الدافي ، وعقب افركي جسمج شوي شوي بالليفه المغربيه بيطلع الوسخ كله
عقب غسلي جسمج وحطي البلسم على شعرج خليه دقايق وبعدين غسليه وأخر شي حطي الشاور جل مالج وخلاص حمام الهنا
في الي يستعملون الحنا والاعشاب بس أنا ما أحب وما أشوف لها فايده
عقب الفرك بالليفه أستعمل سكراب خفيف وعقب السبوح أرطب جسمي بكريمات زينه مغذيه وبس
1/ املئي البانيو بماي ساخن ( ما يكون وايد حار المهم تقدرين تغطين فيه ) وخليه يعبي البانيو . .
2/ لين ما يمتلي البانيو ،، حطي زيوت بشعرج ،، او سكراب على ويهج ،، المهم استغلي الوقت . .
3/ عقب غطي جسمج في البانيو من 5 الى 10 دقايق ،، هالطريقه تفتح مسامات الجسم . .
4/ بعدين اطلعي من البانيو وحطي الصابون المغربي على جسمج بيدج . .
5/ خليه 10 دقايق بتلاحظين الصابون امتصه جسمج . . هاتي الليفه المغربيه او ليفه اليد من بودي شوب وفركي جسمج ( انتبهي لا تفكرين بالقو شوي شوي ) ركزي على كل مناطق جسمج من اقدامج لين رقبتج . .
6/ غسلي جسمج بماي دافي وويهج بعد من السكراب . .
7/ ييبي صابونه الطاووس وغسلي جسمج فيها وفركي على خفيف حتى ويهج ،، بصراحه ندمت لاني ما استخدمت هالصابونه من زمان وايد حلوة . .
8/ عقب غسلي شعرج بشامبو مناسب لشعرج ،، واذا فيه جل استحمام يومي خاص فيج استخدميه كـ مرحله اخيره ،، انا جسمي حساس فعندي جل طبي ،، فيه بنات يغسلون بجل معطر من بودي شوب عشان يعطي ريحه وجي كلن وراحته . .
9/ غسلي جسمج وشعرج بماي بارد نوعا ما عشان تتسكر المسام وينشد جسمج . .
10 / دهني جسمج وهو مبلول اما بزيت اللوز الحلو او بيبي اويل من جونسون . .
هذه الخطوات جدا بسيطه انا اسويها مره في الاسبوع لا تكثرين ،،
وموفقه 
بس تعرفون ما أحس إن الحمام المغربي يعطيني فرق واايد … إلا يوم أسوي رياااضه ..
مرسي سنيورتااات ..