بنتي في KG1 و دخلتها في مدرسة العالم الجديد فرع الشارقة
و ابصراحة اشوف تعليمهم مثل الحضانات يعني كله لعب و ضحك
و يهتمون بالفعاليات اكثر من التدريس
مو مهتمين للانجليزي ولا تأسيسهم له
و كل اسبوعين او ثلاث يغيرون لهم مدرسة الأنجليزي
اول السنة كانت اتدرسهم مدرسة أنجليزي ايرلندية مسلمة و متنقبة
تعليمها زين بس اتدرسهم و هي متنقبة و سوطها واطي و الأطفال مووول ما يركزون معاها
لانهم لا يشوفون اي تعبير للويه ولا يسمعون صوتها زين
و غيروها بعد اسبوعين
أما بالنسبة للعربي الصراحة مدرستهم ما عليها اي كلام
و حابة أنقلها لمدرسة ثانية و محتارة بين كذا مدرسة
-ويس جرين الدولية
-مدرسة الوردي (قالو لي عنها تأسيسهم للإنجليزي 100% بس تبشيرية بإدارة راهبات) أفيدوني اذا اتعرفون عنها
اذا اتشوفون في مدارس ثانية احسن من هذيل أفيدوني لاني وااايد محتارة
و أبيها تتأسس صح و تتلقى أفضل تعليم مهما اتكون المدرسة غالية أهم شي التعليم
بس مشكلة المدارس الخاصة اذا تدريس العربي عندهم زين … يهملون في الإنجليزي
و اذا تأسيس الإنجليزي عندهم زين … يهملون في العربي
الله يخليكم أفيدوني
ممتاااازة من كل النواحي
عربي وانجليزي ودين