أمهات راك اللي مدخلة ولدها كي جي 1 في. مدرسة راك لمتحدثي الانجليزي تدخل 2024.

مرحبا أمهات
فديتكن عندي استفسارات بخصوص مدرسة رأس الخيمة لمتحدثي اللغة الانجليزية أنا دخلت ولدي المنهج البريطاني
ؤبغيتكم أتزودوني بمعلومات من ناحية هم فالكي جي 1 شو ئاخدون شو يدرسونهم يعطونهم كتب ؤلا ؟ شو يطلبون منهم مثل فايلات وهالأمور ؟ ويحددون مثلا لون الفايل ؤلا عادي ؟ ؤبالنسبة للنعول شو أسود ؤلا لون ثاني وشو مثلا الأشياء اللي لازم أنا أجهزها غير النعول هل يلعبون رياضة يعني بيحتاج جؤتي رياضي ؟.
هههههههه أدري سردت الأسئلة ورا بعض هههههه مآشئ فواصل. ئلا أمهات فديتكم شدوا الهمة وجاوبوني
هيه نسيت أهم سؤال. أنا ولدي إحين بيكمل 4. سنوات ومأ يرمس ؤاائد عربي يأدوب كلمات ما يرمس جمل مفيدة هل لمدرسة واختلاطة باليهال بيخليه يرمس ؤلا لو مدخلتنة حكومي أفضل؟؟

للرفع

؟؟!!!

هلا اختي

ولد اخوي بيدخل كي جي ١ ف هالمدرسه

و منهج بريطاني بعد

عن اللبس
امه مافصلت لانها بتاخذ من عندهم الجاهز
و الجوتي خذت له مال رسوم و هالسوالف ههه

و عن الملفات وجذي
احيد سألتهم فالمدرسه
قالو بيعطونهم اوراق وبيحطونها بشنطهم
و
عن ان ولدج مايتكلم وايد وجي ماعندي خبره
بس ولد اخوي ربي يحفظه يعرف اسامي الحيوانات بالانجليزي
يعرف الحرةف الانجليزيه
يعرف كم كلمه زياده انجليزي
لان كنا نعلمه شوي شوي
وهو من النوع الي لسانه طويل بس عالي يعرفهم
يمكن ولدج بينخرط مع اليهال و بيصير بلبل
و اكيد بيتواصل مع اليهال والمعلمات ف بيصير لسانه حيي و بيسولف وايد
وانتي عليج كل يوم تسألنه
ماما شو سويت فالمدرسه
شو كلت
منو ربعك
يعني من هالامور

وربي يحفظهم

مشكورة. عشق طاهر عالرد. أنا ولدي حافظ ماشاء الله عليه كل شيء بالإنجليزي ويرمس رمشه بالإنجليزي بس تعالي العربي ميييح يعني حوار ؤياه صعب جدا بالعربي أن شاء الله خير لأن إبعي يعرف عربي بعد مهما يكون مب كل حد يعرف انجليزي ولغتنا هي العربي هو يوم يشير عند إماية يرطن لها انجليزي ما يفهمون له وليهال ما يفهمولة لأن يرمس انجليزي أكثر من لعربي فلكل ينتقده

للرفع

اختي العربي غصبن عنه يوم بيكبر شوي بيرمس عدل
الاهم التأسيس
يعني ركزي عليه من صف أول انه يجيد لفظ الحروف و كتابة اسمه و تحليل وتركيب الكلمات
اما فالروضه حالياً لاتحاتين