عيدكم مبارك
بنات أمي من متى اتيمع حق الحج وما رضت تاخذ منا أي فلس بس عشان تروح ببيزاتها..وسألت عن حملة زينة للحج وما رضيت أوديها حملة أي كلام ..وسألنا وحجزنا لهم على vipيعني دفعنا أكثر..والله من أول يوم تتصل اذم الحملة تقول لا أكل مثل الناس الأكل يابس وبارد..والباصات في العزيزية مب راضية توديهم لمنى تخيلوا يابنات الباصات حتى الحرم ما توديهم يقولون لهم اذا وديناكم شوفولكم حد اييبكم..أمي تقول التكاسي ما ترضى توصلهم يقولون ممنوع ..وأمس اتصلت علينا اتصيح تقول ادعوا لي أوصل لكم بالسلامة ..تخيلوا راعي الحملة مادري وين فارينهم…الباصات بس واقفة عند السكن..وهم يمشون تقول أمي يدورون مكان رمي الجمرات تقول نمشي بالساعات ليما حصلوا المكان ..يعني شو دراهم بالأماكن هم أول مرة يسيرون الحين مب قادرة تمشي ريولها وارمة عليها ..ومرة ثانية اليوم ما طاعوا الباصات يوصلونهم ..تقول أمي كل الحلمات يوصلون الحجاج المكان اللي يبونه ويسوون حلقه عند الجمرات الحريم داخلها الرياييل برا إلا حملتنا…
توها متصله متضايقة والله تتكلم بصعوبة وتقول ايدها غادية قار من الهوا الملوث اللي لفحهم وهم يمشون..وفخوذها متقطعة من المشي..وحالفة تشتكي عليهم في الخط المباشر…والله حتى صوتها بصعوبة يظهر من زود ما منسحل هي والوالد ..
أول مرة أشوف حملة جي ؟!!!
مع ان ربعي رايحينها ومدحوها هني في المنتدى..أستغرب ليش جي
الله يعينهم مساكين
اسمحيلي الغاليه ماعندي اي فكره عن الحملات و لا هاي الحمله 
بس زين انج نبهتينا
يزاج الله خير و الله يعين امج و ابوج و يردهم بالسلامه ان شاءالله
و حج مبرور باذن الله
وهم محد مثلهم وبيسوون وبيحطون ويراوونج البرنامج ماشي,,, مالها مثيل
هالحمله ,ويوم اتسيرين الحج جنج يايه من دون حمله وحال ال vip
حال الباقين يعني دفعنا ع الفاضي , حسبي الله عليهم تنصدمين صراحه
الله لا يرويكم
والله يردها بالسلامه سالمه غانمه ياااربيه