اشحالكن بنات؟ عساكن ابخير ؟
اليوم حبيت انزل درس مكياج العيون و ان اشالله ايعيبكم .. انا مب ماكيرا بس مبتداه و اتقبل انتقاداتكم و اراكم..
فكرة المكياج ماخذتنها من صوره حصليتها فالمنتدى وحده من الخوات كانت حاطته مجموعة لوكات يديده و انا حبيت هاللوك و طبقته و هاذي هيه الصورة
ابتدي اول شي بالادوات الي استخدميتها
المجموعه الي فوق استخدمها لدروس المنتدى و هيه عبارة عن
بودره مضغوطه من ماركة دريم جيرل من السوق الصيني
الفاونديشن من ماكس فاكتور
الستك فاونديشن من ماركة فولر مار من السوق الصيني
و المجموعه الثانيه هاي الي استخدمها دوم حق الاعراس و هيه عبارة عن
بودره مضغوطه من ماك
الفاونديشن من ماك
الستك فاونديشن من مكياجي
بليتة الشدو من انجلوت و استخدمت الالوان الي امعلمه عليهن بالاحمر
المسكرة من بانكوك
الايلينر من مكياجي
الجحال من سميلنغ
الجحال الفضي من السوق الصيني
و هاي صورة عيني عقب ما حطيت الفاونديشن و البودرة
و اهني حطيت اللمعه البيضا اللؤلؤية تحت الحواجب و بعدين حطيت الذهبي عالجفن المتحرك و دمجتهم ويابعض
و بعدين حطيت الاسود و البنفسجي و عقب دمجيتهن
و بعدين رمست عيني بالايلينر
و عقب جحلت عيني من فوق و تحت و بعدين الايلينر بالشدو الاسود لواسطه فرشاة ماك الي رقمها 228
و بعدين حطيت الجحال الفضي اف مقدمة العين و حطيت الاضاءة الذهبية تحت عيني
و هاي الصوره بعد ما ركبت الرموش و حطيت المسكره
و خلص الدرس
اعرف انه شي اغلاط وايده و بكون سعيده لو تفيدوني .. بس المكياج عالطبيعه كان حلو و ناعم و ماكنت ابا امسحه ههههه
المهم اسمحولي طولت عليكم
تحياتي لكم
أم خرباش
والخطوات المرتبه
ومع ممارسة بيستوي احلى
وايد عيبني
بس تعرفين التصوير دومه يظلم
اتمنى انج اتحطين يديدج كل يوم
بالتووفيييج