هالتجمع للي عمارهم من 20 لين 25 وامهات اكيد ^^
عرفينا على نفسج وشاركينا تجاربج فالحياه والامومه
ولا تنسين تخبرينا عن شخصيتج ..
حبيت افتح هالتجمع لأن اعمارنا راح تكون قريبه
ومافي حد اكبر لأن مب كل كبير يفهم على اللي اصغر عنه
ووجهات النظر والراي تختلف من شخص لآخر ,,
فاللي حاسه انها تبي تشارك ويانا عسبت ندردش ونستفيد حياها الله
منو ماكانت والتجمع هذا له بس شرط ان يكون عمرج من 20 – 25 ..
وحياكم الله
========================
راح اعرفكم على نفسي ,,
موزه السويدي
1988
عندي بنوته ربي يخليها واسمها غايه..
انا من دبي وساكنه مع بوغايه بــــ راك
والحين بقولكم عن شخصيتي ..
حساسه لأبعد الحدود ,, عصبيه وايد بس سرعان ما اهدى ..
صريحه في ناس ماتحب صراحتي .. بس ( اقول شي جدامج افضل من اني اتكلم من وراج واغتابج )..
انا انسانه طيبه وايد وفيه وايد وان غاب عني غالي ازعل واعاتب وفي ناس ماتحب
هالجانب من شخصيتي ..
واجتماعيه ولله الحمد وعندي صديقات وايد يحبوني مثل ما انا احبهم
واكثر بعد ..
كل شخص له معزه بقلبي وله مكانه ماياخذها غيره .. تقدرون تقولون مب قلب فندق ..
صراحه اشكرج من صميييييم اعماق قلبي (مو مصدقه من الوناسه) لان والله اليوم قاعده افكر واقول مافي حد فاهمني يارييت لو حد فاهمني راح اشرح لج ليش الغاليه….
انا ام علي …مواليد 1988
اكبر خواتي وعايشه فUK ادرس مع زوجي
شخصيتي ..
حساسه (اقل شي ازعلني وممكن اصيحني) ودايما الناس اتلومني على هالشي بس شسوي
بسرعه ارتاح للناس وافتح لهم قلبي (بس مااقول اي شي من اسراري طبعا) وممكن اقول للشخص رايي فيه بصراحه (ممكن بعض الناس تاخذ بخاطرها من هالشي)
احس الغربه خلت شخصيتي شوي قويه
عندي ولد (علاوي الغالي) اعانيه معاه بسبب الحضانه ((لانه واااااااااااااااايد متعلق فيني))
السموحه اذا طولت عليكم واااااااااايد
اتمنى ان نفيد ونفهم بعض
وفعلا كلنا خوات والقلوب عند بعضها .. ومب كل حد فاهمنا يختي هاي الدنيا .. عالعموم حياج
وقت ماتبين فديتج والله يعينج عالغربه لأن جد صعبه ..
وانتي بعد الغاليه اذا احتجتي شي مايردج الا لسانج
ام مريومه وحمودي
مواليد 1988
من راك بس عايشه فالعاصمه
انسانه هاديه ما يخصني غير بحالي وعيالي