وشلونكم خواتي الغاليات
عساكم بأحسن حال يارب
امممممم
طبعاً قريتوا العنوان وهو مثل دارج
أكيد كلنا تيينا هدايا ونحب الهدايا ونفرح فيها
حتى لو كانت شي بسيط واحنا عندنا اللي احسن منه
أنا وحدة عن نفسي افرح والله بأي شي يوصلني
مهما كانت قيمته حتى لو كان شي عادي
اهم شي ان الشخص اللي هاداني تذكرني
و أني اعنيله شي عشان جي اهداني وما نساني
ولا شو رايكم
خلينا نشوف معاكم اغرب هدية وصلتكم
ومن منو وشو كانت المناسبة
ما شاء الله ١١ وحدة دشت الموضوع
ولا رد ولا نص رد
كذا أزعل
اهووون عليكم
واللي يهدوني اكيد اهديهم
و اخر هدية هي جسوة من العمرة
تسلم ايدج اختي الغالية ^_^
انا بعد احب الهدايا ، حتى لو كانت كرت ، تعني لي وايد ان الشخص لي عطاني لها لي مكانة خاصه في قلبها ^_^
اغرب هديه:
قبل لا اخلص ثانوية، سوا فكرة تهادوا تحابو بس شرط الهديه تكون مقلب، وبنات اول وثاني ثنوي يسحبون اسامي بنات الثانوية العامة "كل ثنيتن او ثلاث يسحبون اسم واحد"، ولازم يوصلون الهديه بدون ما تحس البنت فيهم ويقولون اسماهم في حفله التخرج ان عطينا هديه لفلانة
انا اسمي طاح عنده بنتين، دخلت الكلاس وحصلت صندوق حلوووو ، جان اساتنس قلت هديه سنعه
ويوم بطلت الصندوق، فجيييييييييييت حلجي واعطيهم بصراخة "ااااااااااااااااااااااااااااااااااااااااااااه "
ياييبن لي فاعي بس لعبه ، وانا اخاااااف من الافاعي حتى لو لعبه >> للحين ما اعرف منو قال لهم اني اخاف من الافاعي
واصرخ على ربيعتي اقولها شلي الصندوق ولي فيه وفريه في الزباله هع
وفي حفلت التخرج عرفت البنتين الله يسامحهم
الهديه الثانية
انا كنت اكره شي اسمه بلاك بيري وانتقد لي عندهم، ويوم حفله تخرجي من الثنوي كانت نفس يوم ميلادي
وكنت اتريا امي تي ولايت وعيني على الباب، وربيعتي تقولي عادي عادي حتى امي انا مايت الله يسامحهم
وزعلت من امي كيف ماتي في هاليوم
اخر فقره من الحفل اداره المدرسة متواصلين ويا الامهات، ان لي تبى تهدي بنتها هديه في هاليوم بيكون فيه فقره >> بس نحن الطالبات ما ندري
وانا وصلنا لاخر فقره فقدت الامل ان امي تي،، وشوي احصل امي على الستيج، وفي ايدها كيس ، جااان استانس
ورحت وشكرتها على الهديه وجي، ويوم رديت البيت وفتحتها طلعت
بلاك بيري لاااااااااااااااااااااااااااااااااااااااااااااا، ما احبه ليش امي يابته ليش
ومجاملة لامي استخدمته وشوي شوي ادمنت البلاك بيري
والله ذكرتيني بذكريات مرت عليها سنين
دمتي بود
اشكرك على تفاعلك الحلو
يا سلاااام
فيه شي احلى من العمرة وبيت الله
كل شي من مكة حلو
عمرة مقبوله يا اختي
الله يكتب لي عمرة عن قريب
أنا وامي وجميع المسلمين والمسلمات
اللهم امين ياااارب
الله يسلمج حياتي
الحمد لله ان الموضوع عجبج
انتي الحين اهديتيني كلامج الحلو والعسل
عاد ذكريات الثانوي ما تنسي
بس والله كلتي المقلب
ههههههههههه
وأحلى شي هدية الوالدين
بلاك بيري انتي مثلي ما احبه
امووووت ع ايفوني حبيبي
الله يخلي والديك ووالدي يارب
والمسلمين اجمعين
مشكوووورة فديتج ع المرور الغاوي شراتج*