السلامـ عليكمـ ورحمة اللهـ وبركاتهـ
شحالكمـ يا حلواتــ
اشتقتـ لكمـ وايد وايد !!
والصراحه انا مالي غنى عنكم ابدن ابدن ^^
يوم اكون معاكم التزم الحمدلله
بس من ابتعد يوم او يومين ما اعرف شو يستوي فيني
سويت المستحيل والله وخسرت الالاف على الاجهزة ومراكز الرشاقة بس ……..!! ماشي فايدة
قررت اتم هني عندكم … وما افارقكم ابدا…
اشتركت في كذا قروب … وما كملت للاسف
علشان جي قلت باخذ صفحه خاصه فيني .. واذا حد بيشاركني ما عندي اي مانع بالعكس انا ابغي هالشي ….
علشان اكون المسؤولة فيه …. والتزم غصبا عن عيني ….
واتمنى هالمرة ما اخيب ظنكم وظني في نفسي .. ^^
بس عاد هااااااااااااااا
من باجر مب اليوم هههههه
وزني ..ممم مب متاكده منه … باجر بوزن وبخبركم …
وطولي 152
هدفي الاول 60
الثاني 55
الثالث50
هالمرة صدق معزمة عالتغيير
سي يو حبيباتي .. ^^
طمنينا شو اخبارج
ان شاء الله تحققين اهدافج يارب
المشاركة الأصلية كتبت بواسطة بنت الأمل 
طمنينا شو اخبارج
ان شاء الله تحققين اهدافج يارب
انا بخير فديت قلبج
يا عساني ما انحرم من طلتج الحلوة
موجوده اصارع هذا الوزن اللي يروح ويرد …
الحمدلله على كل حال
انتي شخبارج طمينيني عليج ^^
بس صدق هني البنات وايد يساعدونج
كم وزنج لولي انا يت فتره زاد وزني وايد بسبت الهرمونات ورجعت انتظمت مع البنات والحمدلله
قدرت انزله صح ان نزوله بطي وايد بس احسن من انه يزيد اكثر ومازلنا نصارع ههههههه
Mmkn dear?
اشحااااااااااااااااااااااااااالج ؟؟
شخباااااااااااااااااااااااااااااااااااااااااااارج غنااااتي ؟؟
وييييييييييييييييييييييينج و ويييييييييييييييييييين اياااااااااااااااامج …
والله ولهت عليييج وعلى العضوات السابقات .. ما ادري نقصن والا ..
النص اختفى والباقين يصاارعوووون الوزن …
فديييييييييييييييييييييتج انا ويااااج ..
وتراااااا انا نفسج تقريبا
الهدف الأول اوصل لــ 60 كيلوا
والهدف الثاني .. أوصل لــ 55 ..
وبس .. ماشي هدف ثالث ..
زززييييييييييييييييين انتي المسؤووووله الحين .. يلا التزمي ..
فدييييييييييتج حددي يوم الوزن ..
واي وحده تختفي تطلع عن القرووووب .. ما نبا جييه اسامي على الفااظي
نبا نشجع بعض ..
والله مليييييييينا من المتن .. نبا نعييييد بطله يديده ..
شحالكم يالحلوات ^^
حياكم معاي فالصفحه
تنورونها بوجودكم ويومياتكم ^^
بالنسبة لوزني ….
66.7
ويوم الوزن بحدده كل جمعه الصبح والجمعه باخذه بريك ^^
الشي الثاني … بمشي على النظام الاولي.. اللي هو نظام المكافآت …
بحط في نظري شي حلو .. ممنوع ياام الدايت … مثل الدونات او الكيك او الايس كريم او الكاكاو
وبحط في نظري هدف.. مثلا هالاسبوع اقل شي اكون نازلة ال 700 جم … يعني ابغي يوم الجمعه وزني يكون 66 بالضبط
اذا حققت هالشي باخذ مكافأتي
واذا ما حققت لاتوجد مكافأة والبريك بيكون في وجبة وحده بس … عقابي طبعا ^^
لاني اعرف ان الوزن وايد يرفعه الضغط علشان جي بحط لي هدف بسيط… مثلا 700 جرام او كيلو او نص كيلو وكل مرةبزيد شوي او بنقص على حسب حركة الوزن ..
والرياضة الحمدلله اشتريت جهاز المشي كل يوم ساعه + النط 100 مرة + الخصر نص ساعه + الاب سيركل برو 5 دقايق كل يوم
ممممم وشو بعد … هي استخدم كريم بارتنر لوف يوميا مرة بس ما اروم مرتين لاني اداوم …
اليوم ريوقي كان حبة حلاوة صغيره وماي
الغدا كان عبارة عن ملة صغيره كشري + عصير برتقال ربيع نص كوب
الضحى كلت خيارة كاملة وانا اطبخ
وبس للحين
طبعا اليوم اول يوم علشان جي ما جهزت كل شي عدل ^^
عقب شوي بظهر السوق …. عندي مشوار بسيط
وعقب بي بحط الكريم وببدا رياضة ^^
الصور ان شااء الله فالليل بحطهن
اتريا تقاريركم يا حلوات ^^