السلام عليكم خواتـــــــي ..
ييتكم افضفض هم قلبـــــي وابي شوركم بعد استخارة رب العالمين
خواتي العنوان يتكلم عني المختصر المفيد انه في حياتي مع ريلي ما تهنيــــت والله اني من اول يوم معاه تعبانة ذابحني نفسيا اكثر منه جسديا لكن الحينه خلاص صار يتطاول علي بالضرب وما يحشم احد لا حي ولا ميــت ..
بالجمعة قالي صبري علي خلال الاسبوع بصرف عمري وبوديج المحكمة اطلقج .. بس ما ابي احد يعرف اني ضاربنج والا ع شوووووه قررنا
بالاخير يايني البارحة يصالحني يقولي ما ابي اطلقج ووعد مني ما اعيد اللي سويته كله .. بس انا خوووف بقلبي ما ادري شوووه اسوي ؟
حاليا ما بقى الا كم يوووم ع قراره انا متمسكة فيه واهلي عرفوا بالضرب لكنهم ما رمسوا امي متحلفتله بتطلقني غصبن عنه انا لميت اغراضي عنااااااااد
لكنه ولا كانه مسوي شي .. مووووول مب مفتكر وعادي يضحك وياي ويسووولف .. حتى ما كلف على خاطره يعتذر لي ع ويهي اللي شوهلي اياه وغير الضربات والكدمات اللي مخلتني عاجزة عن الحركة
لا تبخلووووون علي بالراي والله محتارة
و بعدين قرري اما البقاء او الانفصال
طبعا الخير هو الي بيجدمه رب العالمين
ما اقدر اقول اكثر من جذه
و انتي قرري مصير حياتج مش امج و لا ابوج و لا اخوج و لا اختج و لا حد
ميروووه
الله يعينج الغالية،ويصبرج على ما ابتلاج به رب العالمين،وسبحانه من يحب عباده يبتليهم فالدنيا،واجرج عند الله ان شاء الله
صلي صلاة الحاجة لرب العالمين تحتاجين فيها ربج يسهلج امرج وييسرلج ان شاء الله،وصلاة الاستخارة بعد
انا اعرف ان الموضوع وايد متعبنج،واكيد كل ما تسمعين رمسة حد تاثر فيج وفنفس الوقت تتضايقين وما تعرفين شو تسوين،هذا يقولج جذه وهذه تقولج جذه فتحتارين وتحسين عمرج تايه،بس انا اقولج خلي ايمانج برب العالمين قوي،ورغم كل شيء تقربي منه سبحانه وتعالى وخلي شكواج وطلبج الرحمة منه سبحانه وتعالى،وان شاء الله ما يصير لج غير كل الخير،ادعي دايما خلي لسانج رطب بذكر الله دايما ووحده سبحانه هو ميسر الامور،كل ما تضيقين وتتعبين كثري من الدعاء والصلاة والاستغفار
وعندي لج طريقة تسوينها وتلمسين فيها مكان الويع وسبحان الله ولا كانه شيء صار ولا كانه شيء فيج اصلا
اذا تحبين بخبرج عنها
الله يعينج اختي هذا مريض